2021 jyly nekege turǵan qazaqstandyqtardyń sany 2020 jylmen salystyrǵanda 8,9%-ǵa ósti, dep habarlaıdy Almaty-akshamy.kz Qazaqstan Respýblıkasy Strategıalyq josparlaý jáne reformalar agenttigi Ulttyq statısıka búrosyna silteme jasap.
Ótken jyly resmı túrde 140,3 myń neke tirkeldi. Óńirler bólinisinde otbasyn qurǵandardyń basym bóligi Nur-Sultan qalasynda (1000 adamǵa 10,10), odan keıin Almaty qalasynda (1000 adamǵa 9,40) jáne Atyraý oblysynda (1000 adamǵa 7,86). Qıylǵan nekeniń eń az sany Qostanaı oblysynda (1000 adamǵa 6,24). Alǵash ret nekege turǵandardyń ortasha jasy erler arasynda 27,9 bolsa, áıelder arasynda 25,2 jas.
Sonymen qatar buryn ajyrasqan 25 myń er adam jáne 22 myń áıel byltyr qaıtadan nekege turǵan. Qazaqstandyqtar úılený úshin shilde, tamyz jáne qyrkúıek sıaqty tanymal aılardan bólek, byltyr naýryzdy da kóp tańdaǵan, ol kezde 12 myń otbasy tirkeldi.
Nekelerdiń 70,9%-dan astamy qala turǵyndary arasynda qıylǵan.