QR Strategıalyq josparlaý jáne reformalar agenttiginiń Ulttyq statısıka búrosy elimizdiń demografıalyq jaǵdaıy týraly málimet usyndy.
2021 jylǵy 1 mamyrmen salystyrǵanda halyq sany 236,9 myń adamǵa ósti, dep habarlaıdy Almaty-akshamy.kz
2022 jylǵy 1 mamyrǵa elimizdegi halyq sany 19 199,8 myń adam boldy, onyń ishinde qalalyqtar – 11 442,9 myń (59,6%), aýyldyqtar – 7 756,9 myń adam (40,4%). 2021 jylǵy 1 mamyrmen salystyrǵanda halyq sany 236,9 myń adamǵa nemese 1,2% ósti.
Ulttyq statısıka búrosynyń málimetinshe, 2022 jylǵy qańtar-sáýirde respýblıka halqynyń tabıǵı ósimi 2021 jylǵy qańtar-sáýirmen salystyrǵanda (88 myń adam) 9,8% kemip, 79,3 myń adam boldy. Tabıǵı ósimniń jalpy koefısıenti 1000 adamǵa shaqqanda 12,54 adam boldy.
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2022 jylǵy qańtar-sáýirde týylǵandar sany 127 myń adam boldy, bul 2021 jylǵy qańtar-sáýirge (137,4 myń adam) qaraǵanda 7,6% az. Týýdyń jalpy koefısıenti 1000 adamǵa 20,08 týylǵandardan keledi.
Osy kezeńde qaıtys bolǵandar sany 47,7 myń adam boldy, bul 2021 jylǵy qańtar-sáýirge (49,5 myń adam) qaraǵanda 3,6% az.
2022 jylǵy qańtar-sáýirde respýblıkada 1 jasqa deıin shetinegen 1 113 náreste tirkeldi. 2021 jylǵy tıisti kezeńmen salystyrǵanda (1109 shetinegen náreste) 0,4% artty. Náreste ólim-jitiminiń koefısıenti 1000 týǵanǵa shaqqanda 8,76 oqıǵany qurady.
Halyqtyń kóshi-qony
Kóshi-qon qyzmeti organdary usynǵan málimetterdi óńdeý nátıjesinde, 2022 jylǵy qańtar-sáýirde elimizge turǵylyqty turýǵa kelgenderdiń tirkelý sany 5 122 adamdy, elimizden ketkenderdiń sany 7 041 adamdy, kóshi-qonnyń aıyrymy -1 919 adamdy qurady.
Elimizdegi negizgi kóshi-qon TMD memleketterimen ótip jatyr. TMD elderinen kelgenderdiń jáne sol elderge ketkenderdiń kóship-qonýshylardyń jalpy sanynan úlesi 85,3% jáne 80,1% boldy.
El ishinde qonys aýdaratyn kóship-qonýshylar sany 3%-ǵa kemidi.
Óńiraralyq qonys aýdarý boıynsha halyq kóshi-qonynyń oń aıyrymy elimizdiń 3 óńirinde baıqaldy:
Almaty (11 577 adam);
Nur-Sultan (10 300 adam);
Shymkent (1 664 adam) qalalarynda.