Bul tizimniń kósh basynda Astana qalasy tur.
«Qazgıdromet» mekemesi ótken aptada aýasy eń kóp lastanǵan qalalardy atady, dep habarlaıdy Almaty-akshamy.kz QazAqparatqa silteme jasap.
Bul joly reıtıń basynda Astana qalasy tur. 27 qyrkúıek pen 3 qazan aralyǵynda alynǵan aýa synamalary osyndaı málimet kórsetken.
Atalǵan aralyqta qala aýmaǵynda aýadaǵy konsentrasıalardyń shekten asýy 1318 ret tirkelgen. «Qazgıdromet» mamandary, ásirese, Dýlat Bataıuly kóshesiniń aýdanynda aýanyń sapasy óte nashar ekenin anyqtap otyr.
Atalǵan kezeńde aýanyń lastyǵy boıynsha alǵashqy úshtikke Qaraǵandy men Almaty qalalary kirdi.
«Qaraǵandy qalasynda shekti ruqsat etilgen normalardan asyp ketýdiń 521 jaǵdaıy tirkeldi. Aýa eń lastanǵan jer – №8 LBP aýdany ("Prıshahtınsk" shaǵynaýdany, 3-shi Kochegarka kóshesi, 28).
Almaty qalasynda aýadaǵy konsentrasıalardyń ruqsat etiligen shekten asyp ketken 123 jaǵdaıy tirkeldi.
Astana qalasynda shekti jol beriletin normalardan asyp ketýdiń 1318 jaǵdaıy tirkeldi. Aýa D.Babataıuly kóshesi aýdanynda lastanǵan», - dep jazylǵan aptalyq anyqtamada.
Al Shymkent pen Aqtóbe aýasy salystyrmaly túrde eń taza qalalar bolyp tirkeldi. Ótken aptada bul eki qalada aýadaǵy konsentrasıalardyń shekten asýy múlde tirkelmegen.