Elimizde bıyl otbasylyq-turmysqa qatysty 668 qylmys tirkelgen.
Bul týraly málimdegen İshki ister mınıstri Marat Ahmetjanovtyń aıtýynsha, bul jaǵdaıǵa er adamdar sebep bolady, dep habarlaıdy Almaty-akshamy.kz
İİM málimetinshe, 80 paıyz jaǵdaıda er adam otbasylyq janjalǵa sebepker sanalady. Ádette, olardyń jasy 30-dan 50 jasqa deıingi (52 paıyz) aralyqta.
«Onyń 74 paıyzynda turaqty jumys orny, al 90 paıyzynda kásibı jáne joǵary bilimi joq. 78 paıyz jaǵdaıda jábirlenýshiler - áıelder. Kóbine olar zorlyqshyǵa materıaldyq jáne psıhologıalyq jaǵynan táýeldi bolady. Uzaq jyl boıy qorlaý men qorqytýǵa shydap júredi. Balalar da zardap shegedi. Olar - qatygez kórinisterdiń kýási», - dedi İİM ókili.
Vedomstvo málimetinshe, DDSU derekteri boıynsha, turmystyq zorlyq-zombylyq jasóspirimderdiń psıhıkasyna, rýhanı jáne emosıonaldyq damýyna keri áser etedi. Olar keıin eseıe kele, otbasynan kórgenin qurdastaryna jáne basqalarǵa kórsetedi.