Bul týraly senator Nurlan Beknazarov málimdedi.
Bala quqyǵyn qorǵaıtyn birneshe zań bola tura, kámeletke tolmaǵandar qorǵala bermeıdi. Balalarǵa jasalatyn qylmystyq is te azaımaı tur, dep habarlaıdy Almaty-akshamy.kz
Kún saıyn polısıaǵa turmystyq zorlyq-zombylyq boıynsha 300-ge jýyq habar túsedi. Bıyldyń ózinde 4500 myń balanyń quqyǵy taptalǵan. Osyǵan baılanysty el aýmaǵynda «Otbasylyq sot» pılottyq jobasy júzege asyp jatyr. Oń nátıje berse, eldegi – ıývenaldy, azamattyq jáne ákimshilik sot biriktiriledi.
«Aǵymdaǵy jyly prokýratýra organdary 900-ge jýyq tekserý men tıisti taldaý jasaldy. Osy baǵytta 2,5 myńnan astam zańdylyqty buzý derekteri anyqtalyp, 1,5 myńnan astam laýazymdy tulǵa tártiptik jaýapkershilikke tartylyp, 1 mln 300 myń kámeletke tolmaǵannyń quqyqtary qorǵaldy», - deıdi QR Bas prokýratýrasy qoǵamdyq múddelerdi qorǵaý qyzmeti basshysynyń orynbasary Sáken Samet.