«Adal azamat» birtutas tárbıe baǵdarlamasyn jáne «Otbasy kúni» aıasyndaǵy jalpyqalalyq jospardy júzege asyrýda, Almaty sán jáne qyzmet kórsetý salasy kolejinde «Otbasylyq ál –aýqat» qarjylyq saýattylyq taqyrybynda trenıń ótkizildi.
Qarjylyq saýattylyq – ár adamnyń ómirinde mańyzdy ról atqaratyn daǵdy.
İs-shara kolej dırektory Djýnısalıev Janbolat Smanulynyń sózimen ashyldy.
İs-sharanyń negizgi maqsaty - qarjy salasyndaǵy bilimderin keńeıtý, jeke búdjetti josparlaý, artyq shyǵynnan aýlaq bolý jáne qarjylyq qaýipsizdik erejelerin túsindirý boldy.
Trenıń barysynda kelesi taqyryptar qozǵaldy:
- Aqsha degen ne jáne ony qalaı durys basqarýǵa bolady;
- Búdjet qurý jáne jınaq jasaý joldary;
- Qaryz, nesıe, paıyz uǵymdary;
- Qarjylyq alaıaqtardan qorǵaný ádisteri;
- Sıfrlyq qarjy quraldaryn (Kaspi, bank qosymshalary) paıdalaný erejeleri.Qatysýshylar ınteraktıvti tapsyrmalar men ómirlik jaǵdaılarǵa baılanysty suraqtar arqyly bilimderin bekitti. Pikirtalas formatynda ótken shara jastardyń qyzyǵýshylyǵyn oıatyp, sanaly qarjyǵa degen kózqarasyn qalyptastyrdy.
Qorytyndysynda, trenıńke qatysýshylar:
✓ Jeke qarjyny josparlaýdyń mańyzyn túsindi;
✓ Jınaq pen únemniń qundylyǵyn bildi;
✓ Qarjylyq jaýapkershilik daǵdysyn qalyptastyrdy.
«Sanaly qarjy – senimdi bolashaq» qarjylyq saýattylyq trenıńinde ata-analar, jas pedagogtar jáne stýdentter tapsyrmalardy oryndap, belsendilik tanytty. Usynylǵan tapsyrmalar qatysýshylardyń uıymshyldyǵyn, yntymaqtastyǵyn jáne shyǵarmashylyq qabiletterin damytýǵa baǵyttaldy. Shara sońynda qatysýshylar óz áserlerimen «Almaty aqshamy» gazetimen bólisti. Trenerlerge qarjy saýattylyǵy boıynsha suraqtar qoıylyp, naqty jaýaptar qaıtaryldy.