Túrkistan oblysynda 56 jastaǵy er adam áıelin balǵamen uryp óltirip, artynsha ózi de dárethanaǵa baryp asylyp qalǵan. Jantúrshigerlik jaǵdaı Saıram aýdanyndaǵy Qaramurt aýylynda bolǵan, - dep habarlaıdy Aqshamnews.kz tilshisi "KTK" telearnasyna silteme jasap.
Er adamnyń mundaı qatygezdikke barýyna qyzǵanysh sebep bolǵan kórinedi. Marqumdardyń artynda kámeletke tolmaǵan tórt bala qaldy.
Qandy qylmys Qaramurt aýylynda bes kún buryn bolǵan. Tańerteń uıqydan turǵan balalar esiktiń aldy qanǵa malynyp jatqanyn kórgen. Shoshyǵan balalar kórshileri men týystaryn shaqyrypty.
"Bul derek boıynsha qylmystyq is qozǵaldy. Aldyn ala málimetter boıynsha jergilikti turǵyn úıde jubaıyna jaraqat salyp, keıin qaıtys bolǵan", - dedi Túrkistan oblystyq PD ókili.
Qazir sotaldy tergeý júrgizilip jatyr.