Jaqyn arada qazaqstandyq taýarlar Túrkıanyń eń aýqymdy marketpleısine shyǵýy múmkin. Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın óziniń Telegramdaǵy arnasynda jazdy, dep habarlaıdy Almaty-akshamy.kz Inform.kz-ke silteme jasap.
«Osy jyldyń mamyr aıynda Prezıdentimiz Qasym-Jomart Kemeluly Túrkıa Respýblıkasyna memlekettik saparmen barǵan ýaqytta, osy eldiń birqatar kompanıalarymen kelissózder júrgizip, otandyq IT-kompanıalardy tanystyrǵan bolatynmyn.Solardyń biri, baýyrlas eldiń naryǵynda onlaın saýda boıynsha kóshbasshy kompanıa- Trendyol bolatyn. Trendyol – Túrkıa aýmaǵynda ınternet dúken arqyly, ıaǵnı ózderiniń elektrondy platformasy arqyly taýar jetkizýmen jáne satýmen analysady (kúnine shamamen 1,5 mılıon taýar satady)» dep jazdy Baǵdat Mýsın.
Trendyol-dy Túrkıada jergilikti Amazon nemese Alibaba dep ataıdy. Kompanıanyń quny shamamen 16 mıllıard dollar qarjyny quraıdy.
Mınıstrdiń aıtýynsha, aldaǵy ýaqytta qazaqstandyq taýarlar osy júıe arqyly Túrkıanyń naryǵyna shyqpaq.
«Sapar barysynda biz olardyń taýarlaryn Qazaqstanǵa jetkizý boıynsha logıstıkalyq máselelerdi pysyqtadyq, sondaı-aq qazaqstandyq taýarlardy iri marketpleıs arqyly Túrkıa naryǵyna shyǵaramyz dep kelistik, - deıdi mınıstr. — Endi mine bul bastama – Túrkıa Respýblıkasynyń Prezıdenti Rejep Erdoǵannyń Qazaqstanǵa sapary aıasynda óz nátıjesin kórsetti. Búgin aımaqtyq marketpleısterge qyzmet kórsetetin qazaqstandyq logıstıkalyq kompanıalardyń biri -Big Way KZ Túrkıalyq Trendyol kompanıasymen yntymaqtastyq týraly kelisimge qol qoıdy. Big Way KZ otandyq naryqta logıstıkalyq taýar aınalymyn júzege asyrýmen aınalysyp kele jatqan kompanıa. Olardyń sheteldik naryqqa shyǵýyna áleýetteri aıtarlyqtaı zor. Birlesken kelisimniń arqasynda endi Qazaqstandyq taýarlar Túrkıa naryǵyna tikeleı, deldalsyz satylatyn bolady».
Vedomstvo basshysy qazaqstandyqtar Trendyol-men tanys ekenin jáne kóbinese deldaldar arqyly taýarlarǵa tapsyrys beretinin atap ótti.