Asqar İlıasov «Úzdik er adam róli» syılyǵyn jeńip aldy
Mádenıet jáne sport mınıstrliginiń qoldaýymen túsirilgen qazaqstandyq «Paralımpıes» fılmi Úndistanda (Mýmbaı q.) ótken Shanhaı Yntymaqtastyq Uıymynyń kınofestıvalinde joǵary marapatqa ıe boldy, dep habarlaıdy Almaty-akshamy.kz.
Rejıser Aldıar Baıraqymovtyń «Paralımpıes» fılmindegi basty róldi somdaǵan Asqar İlıasov «Úzdik er adam róli» syılyǵyn jeńip aldy.
Festıválge 14 elden barlyǵy 57 týyndy usynyldy. Otandyq delegasıany Dımash Qudaıbergen bastady.
Aıta ketý kerek, bul fılmniń alǵashqy marapaty emes – ótken jyly ol Reseıdegi kınofestıvalderde 2 márte gran-prı aldy.
Kınotýyndy qazaqstandyq paralımpıadashylardyń ómirindegi shynaıy oqıǵalarǵa negizdelgen. Fılm 2018 jyly Phenchhanda ótken qysqy Paralımpıada tuńǵysh chempıony Aleksandr Koládınniń jeńiske jetý jolyn baıandaıdy.
«Men óte baqyttymyn. Bul meniń alǵashqy syılyǵym. Kıno túsirilimine uzaq ári qarqyndy daıyndaldyq, janymyzdy saldyq desem de bolady. Bizdiń basty maqsatymyz - paralımpıadashylar týraly aıtý, olardyń jeńisi qandaı erik-jigerdi talap etkenin jáne onyń artynda kúsh pen umtylys turǵanyn kórsetý. Árıne, týyndynyń memlekettik qoldaýdyń arqasynda jaryqqa shyqqanyna qýanyshtymyn», - dedi júldeger Asqar İlıasov.
Sonymen qatar, kınofestıvalde otandyq «Uly dala tańy», «Muqaǵalı», «Mama, men tirimin!», «Ademokany oqytý» jáne «Ystyq kól» fılmderi kórsetildi.