Bilimdige dúnıe jaryq
Qazaqstandyq jas ǵalym Janat Mahataeva amerıkalyq iri IT-alpaýyttyń bedeldi stıpendıasyn jeńip aldy, dep habarlaıdy Almaty-akshamy.kz Qazaqtv.com saıtyna silteme jasap
Nazarbaev Ýnıversıtetiniń «aqyldy» júıeler jáne jasandy ıntellekt ınstıtýtynyń ǵylymı qyzmetkeri demensıa nemese alsgeımer aýrýy bar adamdarǵa kómektesetin «jad asıstenti» atalatyn biregeı qosymsha ázirledi.
Óz týyndysyn daıyndaýda maman obektilerdi taný jáne paıdalanýshylardyń ornalasqan jerin anyqtaý úshin kompúterlik kórý algorıtmderin qoldanǵan.
Endi Janattyń zertteýi 15 myń dollar qarjylyq qoldaýǵa ıe bolady jáne sheteldegi jetekshi kompúterlik zerthanalarda 12 aptalyq tájirıbeden ótedi.
Ǵalym stıpendıanyń Qazaqstandaǵy alǵashqy ıegeri ekenin aıta ketken jón.
«Adam belgili bir ǵımaratqa kirgende atalmysh baǵdarlama onyń qaıda barǵanyn, qandaı nysandardy aralaǵanyn este saqtaıdy. Osylaısha adamǵa is-áreketterin eske saqtaýdyń qajeti joq, sebebi júıe onyń jady sekildi barlyq aqparatty ózinde saqtaıdy. Ótken jyly biz jasaǵan zertteýlerge sholý barysynda kórý qabileti buzylǵan jáne tústerdi, adamnyń túr kelbetin, daýystardy ajyrata almaıtyn adamdardyń kóp ekeni anyqtaldy. Bul zamanaýı tehnologıany osy máselelerdi sheshý úshin qoldanady. Álemde ǵalymdar bul máselemen aınalyspaǵandyqtan, meniń zertteýime «Microsoft» komandasy qyzyǵyp otyr» - dedi Nazarbaev Ýnıversıtetiniń doktoranty Janat Mahataeva.