Jıynnyń maqsaty – jas urpaqty Otansúıgishtikke tárbıeleý.
Almaty qalasy Medeý aýdanynyń uıymdastyrýymen Sh.Ýálıhanov atyndaǵy alańda «Otan qorǵaýshylar kúni» atalyp ótti, dep habarlaıdy Almaty-akshamy.kz.
7 mamyr merekesine arnaıy oraılastyrylǵan shara aýdan belsendileriniń qatysýymen uıymdastyryldy.
İs-sharaǵa áskerı qyzmetshiler, áskerı sheni bar zeınet jasyndaǵy ardagerler, qala turǵyndary, sportshylar jáne ártúrli sala mamandary qatysty.
Jıynnyń maqsaty – jas urpaqty Otansúıgishtikke tárbıeleý jáne patrıotızm baǵytyndaǵy jumystardy jandandyrý. Sondyqtan da el irgesi berik bolýy úshin túrli patrıottyq shara kórsetildi, rýhty kóterin ánder oryndaldy. Sonymen birge áskerı saptyq júris, kúres saıystary kórsetildi.
«Biz «Otan qorǵaýshylar» kúnin asa qadirli dep sanaımyz. 1992 jyly Prezıdent Jarlyǵymen osy kún engen bolatyn. Sondyqtan derbestik alǵan shaqta óz áskerimiz quryldy. Bul úlken mártebe, abyroı boldy», - dedi Medeý aýdany ardagerler keńesiniń tóraǵasy Bahtıar Kamalov.
Sonymen qatar el birligin saqtaý, irgeni tynyshtyqta ustaý mańyzdy. Osyndaı qaǵıdalar qatań saqtalý qajettigi anyq.
«Medeý aýdany uıymdastyrǵan áskerı paradtyq sharany kórýge jylda kelemiz. Ózim zeınette bolsam da bul kúndi asa qadirleımiz. Nemerelerimdi ertip kelýge tyrysamyn. Osyndaı ıgi dúnıeni kórip, patrıot bolsyn deımiz. Árqashan Qazaq eli aman-esen bolyp, damı bersin», - dedi qala turǵyny Nurǵasyr Qaıyrǵalıev.