Almaty qalasyndaǵy Ortalyq armıashylar úıinde Uly Otan soǵysyndaǵy Jeńistiń 80 jyldyǵyna arnalǵan "Otan daýsy" atty áskerı-patrıottyq án-bı baıqaýy ótti. Bul sharaǵa qala mektepteriniń oqýshylary qatysyp, óz ónerlerin ortaǵa saldy.
Shara saltanatty túrde Qazaqstannyń Ánuranymen ashylyp, "Kerbez gúlder" bıshiler tobynyń "Qazaǵym-aý" bıimen jalǵasty. Baıqaýdyń mańyzdylyǵy týraly QR Qarýly Kúshteri Áskerı-patrıottyq ortalyǵy basshysynyń orynbasary, general Ivan Panfılovtyń jıen-nemeresi Alýa Baıqadamova atap ótti:
"Uly Otan soǵysyndaǵy Jeńistiń jaqyndaýyna qazaqstandyqtardyń qosqan úlesi ólsheýsiz. Bul baıqaý jastarǵa erlikti nasıhattaýdyń jáne otansúıgishtik sezimdi uıalatýdyń bir joly."
Alýa Baıqadamova baıqaýdyń ádilqazylar alqasynyń tóraıymy boldy. Onyń quramynda ánshi Aıjan Nurmaǵambetova, skrıpkashy Jámıla Serkebaeva jáne horeograf Nızam Kárimov sekildi óner sheberleri bar.
Almaty qalalyq Bilim basqarmasy Dene tárbıesi jáne sport oqý-praktıkalyq ortalyǵynyń dırektory Baqtıar Elemesov:
"Baıqaýdyń maqsaty – jas ónerpazdardy anyqtaý ǵana emes, olardyń boıynda otanshyldyq rýhty qalyptastyrý," – dep bólisti.
Baıqaý barysynda oqýshylar ózderiniń erekshe qabiletterimen kózge túsip, áserli ánder men bı qoıylymdaryn usyndy. Jeńimpazdar dıplomdarmen marapattaldy.
