Pinterest Predicts málimetine sáıkes 2024 jyly offroýd qazirgi saıahattyń basty trendine aınalady, - dep habarlaıdy almaty-akshamy.kz DesertNews basylymyna silteme jasap.
Pinterest Predicts sarapshylarynyń boljamyna sáıkes saıahatshylar buryn adam aıaǵy tımegen jerlerdi tanýǵa tyrysyp, joly joq mekenderdi baǵyndyrýǵa tyrysady. Atalǵan trend ózine býmerler men H býynynyń nazaryn aýdartyp qana qoımaı, offroýd-saıahattyń estetıkasy men ómir súrý saltyn qalyptastyratyny sózsiz.
Offroýd - bul ózińniń navıgasıalyq daǵdylaryńdy tekserýge jáne umyt bolyp bara jerlerdi zertteý múmkindik beretin saıahat túri. Degenmen, saıahat barysynda qaýipsizdikti saqtaý úshin tıisti jabdyq qajet ekenin eskerý kerek. Eń áýeli myqty kólik, senimdi shına jáne joǵary klırensti qamtamasyz etken jón.
Sonymen qatar Pinterest Predicts sarapshylary sońǵy kezde arnaıy kempıng qural-jabdyqtaryn qajet etetin "offroýd-kempıngine" qyzyǵýshylyqtyń artyp kele jatqanyn aıtady. Olar offroýd úshin eń jaqsy oryn - arnaıy belgisi bar jalǵyz aıaq joldar ekenin atap ótti.