2 aıdan sál astam ýaqyt ishinde altyn tórtten birine jýyq arzandady.
Ulttyq banktiń málimetinshe, 20 mamyrdaǵy jaǵdaı boıynsha 1 gram altynnyń resmı quny 25 320,7 teńge boldy, dep habarlaıdy Almaty-akshamy.kz Inbusinness.kz silteme jasap.
Bul aı basyndaǵy kórsetkishten 2168 teńgege az.
Eske sala ketsek, atalǵan baǵaly metal 10 naýryzda óziniń sharyqtaý shegine jetti, ol kezde altynnyń álemdik baǵasynyń ósýi jáne teńgeniń álsireýi aıasynda bir gramnyń baǵasy alǵash ret 33 000 teńgeden asty.
Sodan beri baǵa turaqty túrde tómendedi. 2 aıdan sál astam ýaqyt ishinde altyn tórtten birine jýyq arzandady: 1 gramnyń resmı quny 7,7 myńnan astam teńgege tómendedi. Iaǵnı, ortasha eseppen osy ýaqyt aralyǵynda altyn kún saıyn 110 teńgege arzandaǵan.