Shyǵysta bıyldyń ózinde 2 myńdaı adamdy kene shaqqan
Óskemende taǵy bir adam kene ensefalıtine shaldyqty. Ol zıankes shaqqan soń der kezinde medısınalyq kómekke júginbegen. Qazir densaýlyǵy jaqsy, em-dom alyp jatyr, dep habarlaıdy Almaty-akshamy.kz.
Mamandar kene shaqqan jaǵdaıda birden dárigerge qaralýdy eskertedi. Óıtkeni jándik tistegen soń qanǵa vırýs tússe, adam múgedek bolyp qalýy yqtımal. Al kene ensefalıtine shaldyqqan adamnyń bastapqyda basy aınalyp, loqsyp, qyzýy kóterilýi múmkin, dep jazady qazaqstan.tv.
Jalpy, shyǵysta bıyldyń ózinde 2 myńdaı adamdy kene shaqqan. Onyń 30 paıyzy 14 jasqa deıingi bala. Degenmen mamandardyń aıtýynsha ótken jyldarmen salystyrǵanda zıankesten zardap shekkender sany bıyl áldeqaıda az. Kene ensefalıtine shaldyqqan eki naýqas ta dárigerlerdiń baqylaýynda.
«Naýqastar kene shaqqannan keıin medısınalyq kómekke júginbegendikten, olarǵa profılaktıkalyq maqsatta kenege qarsy ımmýnoglobýlın salynǵan joq. Naýqastar qazirgi ýaqytta arnaıy em qabyldaýda. Olardyń jaǵdaıy dárigerlerdiń baqylaýynda»,-deıdi oblystyq Sanıtarlyq- epıdemıologıalyq baqylaý departamentiniń bas mamany Baǵlan Taýanova.