Bala 12 jasta
Óskemen qalasynda aýtızmge shaldyqqan bala túnde úıden shyǵyp ketip, joǵalyp ketti, dep habarlaıdy Almaty-akshamy.kz QazAqparat-qa silteme jasap.
SHQO Polısıa departamenti baspasóz qyzmetiniń málimetine súıensek, «102» jedel arnasyna habarlasqan azamat 14 tamyzda túngi saǵat 02:30 shamasynda úıden belgisiz baǵytta shyǵyp ketken balasynyń tabylmaı jatqanyn aıtty. 12 jastaǵy Temirlan Ahmedjanov aýtızmmen aýyrady.
«Polısıa qyzmetkerleri dereý jedel-izdestirý jumystaryna kiristi. Sonymen qatar izdeýge qutqarýshylar, kınologtar, QR Ulttyq Ulany sarbazdary men volonterler jumyldyrylǵan. Qazirgi ýaqytta olar úıler men aýlalardy aralap tekserýde. Kvadrokoptermen de izdeý jumysy júrip jatyr» delingen aqparatta.
Balanyń ústinde kók jempir, kamýflájdy shalbar, jasyl tápshike bolǵan. Tártip saqshylary onyń qaıda ekeni jaıly qandaı da bir aqparat biletinderge polısıaǵa habar berýin suraıdy.