Qasym-Jomart Toqaev kandıdattyń kýáligin aldy.
Búgin ortalyq saılaý komısıasy prezıdenttikke usynylǵan úsh kandıdatty tirkeýden bas tartty, dep habarlaıdy Almaty-akshamy.kz komısıanyń resmı saıtyna silteme jasap.
Komısıanyń qaýlysyna sáıkes, «Asar» birlestiginen Haırolla Ǵabjálilov, «Tájirıbelik psıhologıa» respýblıkalyq qoǵamdyq birlestiginen Fatıma Bızakova jáne Qazaqstan qurylysshylary odaǵynan usynylǵan Talǵat Erǵalıevtiń kandıdatýrasy konstıtýsıalyq talaptarǵa saı kelmeıdi.
Konstıtýsıa jáne «Saılaý týraly» konstıtýsıalyq zań boıynsha prezıdenttikke úmitker birneshe talapqa saı bolýy qajet. Olar:
týmysynan Qazaqstan azamattyǵy bolýy;
Qazaqstan aýmaǵynda sońǵy 15 jyl boıy turýy;
joǵary biliminiń bolýy;
jasy 40-qa tolǵan bolýy;
belsendi saılaý quqyǵynyń bolýy;
memlekettik qyzmette nemese saılanbaly laýazymdarda keminde 5 jyl jumys tájirıbesiniń bolýy;
memlekettik tildi erkin meńgerýi.
Aıta keteri, osy ýaqytqa deıin 6 kandıdat talapqa saı dep tanyldy. Olar: Meıram Qajyken («Amanat» kásipodaqtar birlestigi), Qasym-Jomart Toqaev (Halyqtyq koalısıa), Jıgýlı Daırabaev («Aýyl» partıasy), Nurlan Áýesbaev (JSDP), Qaraqat Ábden (Kásibı áleýmettik jumysshylar ulttyq alánsy) jáne Saltanat Tursynbekova («Qazaq analary — dástúrge jol» qoǵamdyq birlestigi).