Saılaý 2023 jyldyń 19 naýryzynda ótedi.
Ortalyq saılaý komısıasynyń múshesi Konstantın Petrov jekelegen kandıdattardyń óz múddesin kózdeýi týraly aıtty, dep habarlaıdy Almaty-akshamy.kz
"Áleýmettik jelide birqatar kandıdattar óz jaqtastaryna "saılaýshylar tiziminde turǵan jerińizden esepten shyǵarý kýáligin alyp, basqa okrýgte esepten shyǵarý kýáligimen maǵan kelip daýys berińiz" dep úndeý jasap jatyr. Jalpy, bul múmkin emes ekenin aıtqym keledi. "Saılaý týraly" Zańnyń 41-baby 6-tarmaǵynyń 1-eskertýinde basqa saılaý okrýgi boıynsha daýys berýge nıet bildirgenderge esepten shyǵarý kýáligi berilmeıtini arnaıy kórsetilgen. Iaǵnı, tirkelgen jáne saılaýshylar tizimine engizilgen saılaý okrýgi boıynsha ǵana daýys bere alasyz. Eger siz (esepten shyǵarý kýáligi – esk.) alsańyz da, salystyrmaly túrde aıtqanda, Túrkistan oblysynda osy kýálik jaramdy bolatyn saılaý okrýgi sheńberinde daýys bere alasyz. Basqa oblysqa baryp, onymen daýys bere almaısyń", - dedi Petrov.
Ortalyq saılaý komısıasynyń tóraǵasy Nurlan Ábdirov óz kezeginde osy senbi, 18 naýryzda saǵat 18:00-de qazaqstandyq saılaýshylarǵa esepten shyǵarý kýáligin alý merzimi aıaqtalatynyn eske saldy.
QR Parlamenti Májilisi depýtattarynyń kezekten tys saılaýy 2023 jyldyń 19 naýryzynda ótedi. Májilis saılaýymen birge barlyq deńgeıdegi máslıhattar depýtattarynyń saılaýy ótedi.