Ósimdikter álemi - óte názik. Sondyqtan bolar olar da kúızeıliske ushyraıdy eken.
Izraıldik ǵalymdar ósimdikter streske ushyraǵanda dybys shyǵarady dep paıymdaıdy. Zertteýshiler olardyń aıqaıy adamnyń kúbirlep sóıleskenindegi dybys deńgeıinde bolady dep esepteıdi.
Ádette ósimdikter álemi jel soqpasa qozǵalmaıtyndyqtan jansyz, soǵan baılanysty únsiz álem retinde qabyldanady.
Bul jaıynda Almaty-akshamy.kz Islam.kz portalyna silteme jasaı otyryp málim etedi.
Buryn ǵalymdar ósimdikterdiń dybys shyǵara alatynyn anyqtaǵan. Al Tel-Avıv ýnıversıtetiniń (Izraıl) ǵalymdary odan ary tereńdep, ósimdikter shyǵaratyn dybystar aýada aıtarlyqtaı qashyqtyqqa - bir metrge deıin taralatynyn jáne teorıalyq turǵydan ósimdikterdiń ekojúıedegi basqa organızmdermen baılanysýyna múmkindik beretinin bildi.
«Aıqaıdyń» jıiligi adam qulaǵy estı almaıtyndaı joǵary, al basqa janýarlar men ósimdikter olardy anyq estı alady. Dese de ósimdikterdiń dybysty qalaı shyǵaratynyn, ıaǵnı, naqty tetigin ǵalymdar áli bilmeıdi. Ósimdikter uzaq ýaqyt sýǵarylmaǵanda, butaǵyn keskende nemese japyraǵyn julǵanda, t.b. jaǵdaılardy streske túsip, «aıqaılaıdy». Ǵalymdar «aıqaılaýdyń» bir joly - ósimdiktiń tamyrly tinderinde aýa kópirshikteriniń paıda bolýy jáne jarylýy, dep boljaıdy (bul proses kavıtasıa dep atalady).