Halyqty ortalyqtandyrylǵan sýmen qamtý jáne kanalızasıa aýdandy sátti damytýdyń mańyzdy aspektileriniń biri bolyp tabylady
Aqjar jáne Shuǵyla shaǵyn aýdandarynyń turǵyndary 20 jylǵa jýyq ýaqyt boıy kóktemgi-jazǵy kezeńde aýyz sý tapshylyǵynyń zardabyn tartyp keldi, dep habarlaıdy Almaty-akshamy.kz.
Osy turǵyndardyń jıi jibergen ótinishterin eskere kele, ákimdik jeke ınvestor «Qazaq Stroydy» tarta otyryp, joba ázirlendi, osy jyldyń naýryz aıynan bastap 6 aı boıy iske asyryldy. 5,4 shaqyrym magıstraldy sý qubyry, sorǵy stansıasy jáne sý rezervýarlary salyndy. Osy jylǵy 1 tamyzdan bastap abonentter qosyla bastady. 22 myńnan astam turǵyn ortalyqtandyrylǵan sýǵa qol jetkizetin bolady, dedi qala ákimi E.Dosaev Naýryzbaı aýdany turǵyndarymen kezdesýinde.
Injenerlik jelilerdiń ekinshi kezeginiń jobasy aıaqtalǵannan keıin osy shaǵyn aýdandardyń taǵy 13 myń turǵyny sapaly sýmen qamtamasyz etiledi. Sondaı-aq, 2024 jyly ekinshi kaskadty sorǵy stansıasy men kontr-rezervýar salý arqyly Taýjoly, joǵarǵy jáne tómengi Tastybulaq shaǵyn aýdandarynyń turǵyndaryn (shamamen 20 myń turǵyn) sýmen qamtý múmkindigi pysyqtalýda. Joba 2024 jylǵy III toqsanda aıaqtalmaq.
Aqjar, Shuǵyla jáne Taýsamaly shaǵyn aýdandarynda da jalpy uzyndyǵy 105,9 shaqyrym bolatyn (71,6 km sý qubyry, 34,3 kanalızasıa) sý qubyry jáne káriz jelisiniń qurylysy júrgizilýde.
Aqjar shaǵyn aýdanynda josparlanǵan 34,7 shaqyrymnyń 28 shaqyrymyna sý qubyry jáne kanalızasıa jelisi salyndy. Jumystardy osy jyldyń sońyna deıin aıaqtaý josparlanýda.
Shuǵyla shaǵyn aýdany boıynsha osy jyldyń qyrkúıegine deıin 28 shaqyrym sý qubyry jáne kanalızasıa jelisiniń qurylysy aıaqtalady. Taýsamaly shaǵyn aýdany boıynsha josparlanǵan 43,2 shaqyrymnyń 38,6 shaqyrymyna sý qubyry jáne kanalızasıa jelisi salyndy. Osy jyldyń sońyna deıin aıaqtaý josparlanýda.
Atalǵan obektilerdi aıaqtaý Naýryzbaı aýdanynyń shamamen 55 myń turǵynyn sýmen qamtý jáne sý burý qyzmetterimen qamtamasyz etýge múmkindik beredi.
Memlekettik basqarýdy desentralızasıalaý aıasynda ınjenerlik jelilerdi salý aýdandyq ákimdikterge berildi. Máselen, Naýryzbaı aýdanynyń ákimdigi 2024 jyldyń İİ-shi toqsanynda Aqjar shaǵyn aýdanynda 44,5 shaqyrym sý qubyry, 37,5 shaqyrym káriz júıesi, Qaraǵaıly shaǵyn aýdanynda 25 shaqyrym sý qubyry, 23 shaqyrym káriz júıesi, Tastybulaq 88 shaqyrym sý qubyry, 57 shaqyrym káriz júıesi, Taýsamalyda 30 shaqyrym sý qubyry, 30 shaqyrym kanalızasıa shaǵyn aýdandarynda jańa ınjenerlik jelilerdi salyp bastaýdy josparlap otyr.