Almatyda EO men BUU genderlik zorlyq-zombylyqty joıý jónindegi Ortalyq Azıa Alánsy quryldy.
Bul ınovasıalyq bastama genderlik zorlyq-zombylyqpen kúresýge jáne bir mezgilde genderlik teńdikke qatysty turaqty damý salasyndaǵy 5 maqsatqa baǵyttalǵan, dep habarlaıdy Almaty-akshamy.kz Astanatv.kz-ke silteme jasap.
Aláns genderlik teńdikti ilgeriletýdi, azamattyq qoǵamdy nyǵaıtýdy jáne óńirdegi genderlik zorlyq-zombylyqtyń aldyn alýdy maqsat etedi. İs-shara EO, BUU, Ortalyq Azıa elderiniń, dıplomatıalyq korpýstyń, azamattyq qoǵam uıymdarynyń, BAQ jáne jastar birlestikteriniń 70-ten astam ókili jınaldy.
«Eýropalyq Odaq, Ortalyq Azıa elderi jáne BUU seriktesteri áıelder men qyzdarǵa qatysty zorlyq-zombylyqtyń barlyq túrin joıý úshin birlesip jumys isteýde. Biz «Spotlight» bastamasy aıasynda kúsh biriktiremiz jáne jynystyq jáne genderlik zorlyq-zombylyqty joıý boıynsha Ortalyq Azıa Alánsyn quramyz, bul bárimizge zamanaýı jáne ádil qoǵamdy qalyptastyrýǵa kómektesedi», - deıdi EO-nyń Qazaqstandaǵy elshisi Kestýtıs Iankaýskas.
İs-shara barysynda qatysýshylar atqarǵan jumystaryn talqylady. Sondaı-aq áıelder men qyzdarǵa qatysty zorlyq-zombylyqqa qarsy kúreste kezdesetin ózekti máselelerdi talqylady.
«Biz óńirdegi barlyq seriktesti genderlik zorlyq-zombylyqty joıý úshin osy mańyzdy kúsh-jigerge qosylýǵa shaqyramyz. Birge jumys isteı otyryp, biz ortaq kúshimizdi qorǵanys tetikterin nyǵaıtý jáne zardap shekkenderge ádilettilik pen qoldaý kórsetkenin qalaımyz. Osy baǵytta birqatar jumys atqarylyp jatyr. Bolashaqta nátıjesin beredi degen senimdemin», - deıdi BUU-nyń Qazaqstandaǵy Turaqty úılestirýshisi Mıkaela Frıberg-Storı.
Ortalyq Azıa alánsy basqa óńirlerde genderlik teńdik, jahandyq qozǵalysqa úles qosýǵa bar kúsh jigerin salmaq.