Erteń, 2 maýsymda prezıdent Qasym-Jomart Toqaev Qyrǵyzstannyń Cholpan-Ata qalasynda ótetin ekinshi «Ortalyq Azıa – Eýropalyq Odaq» samıtine qatysady, dep habarlaıdy almaty-akshamy.kz
Onda aımaq elderiniń basshylary men Eýropa keńesiniń tóraǵasy Sharl Mıshel aımaqtar arasyndaǵy saıası, ekonomıkalyq, saýda jáne mádenı yntymaqtastyqtyń qazirgi jaǵdaıy men keleshegin talqylaıdy. Buǵan qosa halyqaralyq ózekti taqyryptar men OA-EO arasyndaǵy yntymaqtastyq máseleleri boıynsha pikir almasady.
Qyrǵyzstan prezıdenti Sadyr Japarovtyń tóraǵalyǵymen ótetin samıtte prezıdent Qasym-Jomart Toqaevpen birge Ózbekstan prezıdenti Shavkat Mırzıeev, Tájikstan prezıdenti Emomalı Rahmon, Túrkimenstan Mınıstrler kabıneti tóraǵasynyń orynbasary Nurmuhammad Amanıpesov, Eýropalyq keńes tóraǵasy Sharl Mıshel qatysady.
Samıt týraly 30 mamyr kúni Qyrǵyzstan prezıdenti apparatynyń syrtqy saıasat bóliminiń meńgerýshisi Muratbek Azımbekov jasaǵan resmı málimdemede, taraptar kópjaqty jáne ekijaqty kezdesýler de ótkizetini aıtylǵan.
Samıt Qazaqstandy qamtyǵan Orta Azıa aımaǵyndaǵy geosaıası is-qımyldardyń asa qyzý kezeńinde ótip otyr. Budan buryn AQSH jáne Qytaı taraby da aımaq elderimen 5+1 formatynda samıt ótkizgen edi.