Bul týraly Qytaıdyń Syrtqy ister mınıstri Van I aıtty.
Ortalyq Azıa elderi men Qytaı esep aıyrysýda ulttyq valúta qoldanýdy ulǵaıtady. Bul týraly Qytaıdyń Syrtqy ister mınıstri Van I málim etti, dep habarlaıdy Almaty-akshamy.kz QazAqparatqa silteme jasap.
«Búgingi kezdesýimizdiń basty mindeti – Qytaı men Ortalyq Azıa elderi arasyndaǵy dıplomatıalyq qarym-qatynastyń 30 jyldyǵyna arnalǵan onlaın samıtte 6 memlekettiń basshylary qol jetkizgen ýaǵdalastyqty júzege asyrý. «Qytaı – Ortalyq Azıa» formatynda Memleket basshylarynyń turaqty kezdesýin ótkizý týraly sheshim negizgi nátıje sanalady», - dedi Van I «Ortalyq Azıa – Qytaı» formatyndaǵy Syrtqy ister mınıstrleriniń úshinshi keńesi qorytyndysyna arnalǵan brıfıńte.
Onyń atap ótýinshe, kezdesý jemisti boldy.
«Onyń qorytyndysynda kelesi aspektileri atap ótýge bolady. Ózara qurmet, tatý kórshilik, ózara qoldaý men ózara tıimdilik rýhyn basshylyqqa ala otyryp, Ortalyq Azıanyń gúldenýi men ortalyq bolashaǵy, derbestigi men beıbitshiligi úshin kúsh biriktiremiz. Biz joǵary sapaly yntymaqtastyqty jalǵastyryp, ekópqyrly kooperasıany keńeıtemiz. Tıisinshe qarjylyq tetikterdi qurý múmkindigin qarastyryp, ulttyq valútada esep aıyrysýdy odan ary keńeıtemiz», - dedi Qytaı mınıstri.