QR Premer-Mınıstriniń birinshi orynbasary Roman Sklár Abaı oblysyndaǵy tabıǵı órtti sóndirý jónindegi TJM Ahýaldyq ortalyǵynyń bazasynda Jedel Respýblıkalyq shtab otyrysyn ótkizdi.
Otyrys barysynda oqıǵa ornynan oblys ákimi Nurlan Uranhaev pen tótenshe jaǵdaılar vıse-mınıstri general-maıor Marat Kúldikov baıandama jasady, dep habarlaıdy Almaty-akshamy.kz.
Zakon.kz aqparatyna sáıkes, 9 maýsym kúni saǵat 16.00-degi jaǵdaı boıynsha órtti sóndirýge jeke quramnan 662 adam jáne 177 tehnıka, 6 tikushaq jumyldyrylǵan.
Avıasıalyq tehnıkamen órtti sóndirý úshin 80 ret jalpy kólemi 192 tonna sý shashyldy.
Qazirgi ýaqytta orman sharýashylyqtarynyń 14 qyzmetkerimen baılanys úzilgen. Olardy izdeý sharalary júrgizilýde.
Qalyptasqan jaǵdaıdy eskere otyryp, Astana qalasy jáne Qaraǵandy oblysynyń tótenshe jaǵdaılar departamentterinen 133 adam jáne 48 tehnıka, sondaı-aq qosymsha 4 tikushaq jiberý týraly sheshim qabyldandy.