Búgin №148 mektep-gımnazıasynda jas urpaqtyń boıyna ulttyq rýh pen mádenı murany sińirý maqsatynda "Órnek" atty etno-lager óz jumysyn bastady. Bul bastama oqýshylardy ata-baba dástúrimen tereń tanystyryp, ulttyq sanany qalyptastyrýdy kózdeıdi.
İs-sharanyń ashylý saltanaty óte áserli ótti. Mektep aýlasynda ulttyq kıim kıgen oqýshylar án aıtyp, dombyramen kúı shertip, halqymyzdyń baı mádenıetin pash etti. Kıiz úı tigilip, ulttyq qolóner kórmesi uıymdastyryldy. Balalar baýyrsaq, qymyz, irimshik syndy ulttyq taǵam túrlerimen tanysyp, keıbirin óz qoldarymen daıyndap kórdi.
Etno-lager aıasynda tek mádenı sharalar ǵana emes, salaýatty ómir saltyn dáripteıtin is-sharalar da júzege asýda. Ashylý kúni mektep aýlasynda dárigerlerdiń qatysýymen arnaıy kúsh-qýatty arttyrýǵa arnalǵan serýen de uıymdastyryldy. "Qazaqstan Balalary" atty 1 maýsym – Halyqaralyq balalardy qorǵaý kúnine oraı uıymdastyrylǵan, 26 mamyr – "Dáriger balardyń janashyry" atty naýqastardy anyqtaý jáne aldyn alý boıynsha dárigerlerdiń kóshpeli tekseristeri júrgizildi. Negizgi maqsaty – balalyq shaq máselelerine memleket tarapynan basymdyq beriletinin qoǵam sanasyna sińirý, ony memlekettik saıasattyń mańyzdy baǵyty retinde tanytý. Merekeniń negizgi ıdeıasy – árbir bala ózin qorǵalǵan jáne mańyzdy tulǵa retinde sezinetin orta qalyptastyrý. Bul mereke eldiń búgini men bolashaǵy balalardyń senimdiligi men amandyǵyna negizdeletinin aıqyndaıdy. Ár kúnniń ózindik maǵynasy – olar densaýlyq, otbasy, qaýipsizdik jáne balanyń quqyqtaryn qorǵaý sıaqty mańyzdy taqyryptarǵa arnalady.
Shara barysynda oqýshylar taza aýada túrli qımyl-qozǵalys oıyndaryn oınap, dene belsendiligimen aınalysty. Medısına mamandary balalarǵa durys tamaqtaný, kún tártibin saqtaý jáne sportpen shuǵyldanýdyń mańyzdylyǵy týraly paıdaly aqparat berdi.
"Órnek" etno lageriniń basty ereksheligi – ulttyq tárbıeni zamanaýı ádistermen ushtastyrý. Óz kezeginde bul balalar ózderiniń tegin, tarıhyn, tilin tereńirek túsinip, ulttyq sana-sezimin qalyptastyrady. Sonymen qatar, kóshbasshylyq, shyǵarmashylyq, eńbekqorlyq pen jaýapkershilik daǵdylary damıdy. Búgingi tańda jahandaný zamanynda ulttyq bolmysty saqtaý – basty mindetterdiń biri. Sol turǵyda "ÓRNEK" etno lageri – bolashaq urpaqtyń boıyna ulttyq kodty sińirý jolyndaǵy mańyzdy bastama. Mundaı jobalar arqyly biz ulttyń rýhanı jańǵyrýyn iske asyramyz.
"Órnek" etno-lageri – bul tek demalys orny emes, ult bolashaǵy sanalatyn óskeleń urpaqtyń jan-jaqty damýyna arnalǵan mańyzdy bilim men tárbıe alańy. Mundaı jobalar oqýshylardyń ulttyq bolmysyn nyǵaıtyp, densaýlyqtaryn jaqsartýǵa yqpal etedi.