Elimiz qıyn kezde qol ushyn sozdy.
Qazaqstannan orman órtin sóndirý úshin kómek retinde jiberilgen tikushaqtar Túrkıa Respýblıkasyna jetti, dep habarlaıdy Almaty-akshamy.kz. 24.kz-ke silteme jasap.
Bul jóninde elimizdiń TJM resmı ókili Talǵat Ýálı málimdedi.
«Qazaqstan Prezıdenti Qasym-Jomart Toqaevtyń tapsyrmasy boıynsha túrik halqyna baýyrlastyq jáne gýmanıtarlyq kómek kórsetý aıasynda 11 tamyzda saǵat 13.25-te Qazaqstan TJM qutqarý toby Dalaman qalasyna keldi», - delingen habarlamada.
Jiberilgen kómektiń quramynda 2 Mı-8AMT tikushaǵy jáne orman órtterin sóndirýge tartylǵan 16 qutqarýshy bar.
«Tústen keıin órt sóndirý oryndarynda barlaý maqsatynda ushý josparlanǵan. Odan ári Qazaqstan TJM jeke quramy Túrkıa Respýblıkasy TJM jedel shtabynyń qaramaǵynda órt sóndirý jumystaryna kirisedi», - delingen TJM habarlamasynda.
Sondaı-aq, Memleket basshysy Qasym-Jomart Toqaevtyń tapsyrmasy boıynsha 7 tamyzda «Qazavıaqutqarý» AQ-nyń sýaǵar qurylǵylary bar Mı-8 AMT eki tikushaǵy jáne orman órtin sóndirýge kómek kórsetý úshin 16 qutqarýshy Túrkıaǵa jiberilgeni habarlanǵan bolatyn.