Bıylǵy 1 shildeden bastap orman jáne tabıǵat qorǵaý qyzmetkerleriniń jalaqysy ósti.
Osy maqsatqa aldaǵy úsh jyldyq búdjetten 8,5 mlrd teńge qarastyrylǵan, dep habarlaıdy almaty-akshamy.kz.
Tıisti qaýlyǵa Premer-Mınıstr qol qoıdy. Qujatqa sáıkes, orman órtin sóndirý stansalarynyń, orman mekemeleriniń, tabıǵat qorǵaý jáne orman ornalastyrý uıymdarynyń qyzmetkerleri laýazymdyq jalaqylaryna 100%-ǵa deıin ústemeaqy alady. Barlyǵy 3300-ge jýyq qyzmetker qamtylady. Orman órtin sóndirýshi 1600-den astam qyzmetkerge qosymsha aqy tóleý jergilikti búdjet qarajaty esebinen josparlanǵan. Eske sala keteıik, 2023 jyldyń shildesinde Memleket basshysy orman qyzmetkerleriniń jalaqysyna 100 paıyz ústemaqy tóleýdi tapsyrǵan.