TJM mınıstri Iýrıı Ilın orman órtiniń aldyn alatyn aqyldy júıeler ornatý qajet deıdi.
Bul jańashyldyq búginde «Býrabaı» ulttyq parkiniń aýmaǵynda engizildi, dep habarlaıdy Almaty-akshamy.kz
Iýrıı Ilın Soltústik Qazaqstanǵa jumys sapary barysynda turǵyndarmen kezdesip, buqaralyq aqparat quraldary ókilderiniń suraqtaryna jaýap berdi. Búginde ásirese Abaı oblysyndaǵy qyzyl jalyndy aýyzdyqtaý ońaı bolmaı tur. Ot birneshe myń gektarǵa jaıylǵan. Saldarynan úsh birdeı aýyldyń turǵyndary qaýipsiz jerge kóshirildi.
«Abaı oblysynda órt bolyp jatqan aımaqqa ekologıa mınıstrliginiń orman sharýashylyǵy komıteti jaýapty. Alǵashynda qyzyl jalynnyń aýmaǵy úsh gektar bolsa, artynsha kúrt ósken. Sondyqtan biz arnaıy sheshim qabyldap, onda Shyǵys Qazaqstan, Qaraǵandy, Qyzylorda oblystarymen qatar Astana men Almaty qalalarynan qosymsha kúsh qurylymdaryn jiberdik», - deıdi QR tótenshe jaǵdaılar mınıstri Iýrıı Ilın.