Almaty tórinde ornalasqan Qazaqstan Respýblıkasy Memlekettik ortalyq mýzeıi almatylyq jetkinshekter úshin túrli tanymdyq, rýhanı is-sharalardy jıi ótkizedi. Solardyń biri – «Mýzeıdegi demalys» baǵdarlamasy.
Jýyrda atalǵan baǵdarlama sheńberinde «Ulttyq áshekeı buıymdary» taqyrybynda «sheberlik sabaǵy» ótti. Balalar fetra materıalyna jyltyr japsyrmalar, monshaqtar jabystyrylǵan jáne túrli jiptermen zerdelengen syrǵalar jasady. Olardyń óz qoldarymen jasaǵan qolóner týyndylary erekshe ádemi shyqty. Óıtkeni «sheberlik sabaǵynda» kileń ónerdi súıetin, shyǵarmashylyqqa jaqyn, ulttyq qolónerdiń baǵasyn kishkentaı júregimen sezinetin daryndy órender otyrdy.
Sondaı-aq sabaq barysynda olarǵa qazaq halqynyń zergerlik buıymdary – bilezik, saqına, alqa, sholpy, shashbaý, óńirjıek jaıynda qundy aqparattar aıtyldy. Sonaý babalardan qalǵan zergerlik ónerdiń umytylmaı, búgingi kúnge deıin jetip otyrǵany urpaq hám ulttyq qundylyǵymyz úshin kerek.