Qazaqstan Premer-Lıgasynyń 20-týry aıasynda shymkenttik «Ordabasy» «Qaıratty» tize búktirdi.
Oıyn Shymkentte ótip, 1:0 esebimen aıaqtaldy. Machtaǵy jalǵyz goldy horvatıalyq Bernardo Matıch soqty, dep habarlaıdy Almaty-akshamy.kz.
Al qonaqtardyń qaqpashysy Danııl Ýstımenko ekinshi taımda penaltı oryndady. 48 upaımen «Ordabasy» týrnır kestesiniń kósh basynda qalsa, 32 upaıy bar almatylyq «Qaırat» besinshi satyǵa jaıǵasty. Shymkenttikter «Qaırat» komandasynan bir oıyn kem ótkizgenin de aıta keteıik.
Qazaqstan Premer-lıgasynyń 20-týry aıasyndaǵy oıynda «Aqtóbe» óz alańynda qostanaılyq «Tobylmen» teń oınady. Ramazan Orazovtyń dál soqqysynan keıin birinshi bolyp qonaqtar esep ashty. Ekinshi taımda Álibek Qasym qyzyl qaǵaz alyp, alań ıelerin 10 oıynshymen qaldyrdy. Alaıda horvatıalyq legıoner Andreı Fılıpovıchtiń goly «Aqtóbeni» jeńilisten qutqaryp qaldy. Aqtóbelik klýb 40 upaımen ekinshi orynǵa qaıta oraldy. Al «Tobyl» 27 upaımen altynshy orynǵa kóterildi. Aqtóbelik klýb 40 upaımen ekinshi orynǵa qaıta oraldy. Al «Tobyl» 27 upaımen altynshy orynǵa kóterildi.
«Astana» Qazaqstan Premer-Lıgasynyń 20-shy týryndaǵy oıynda «Qaısarmen» teń oınady, Kezdesý elordada ótip, 1:1 esebimen aıaqtaldy. Ekinshi taımnyń sońynda qonaqtar Tımýr Dosmaǵambetovtyń golyna Dmıtrıı Borodınniń penaltıden soqqan dál soqqysymen jaýap berdi. Endi «Astana» 40 upaı jınap, týrnır kestesinde ekinshi orynǵa kóterildi. Al 25 upaıy bar «Qaısar» segizinshi orynda qaldy. Eske salaıyq, osy aptada Qazaqstan chempıondary bolgarıalyq «Lýdogoresten» (2:1, 1:5) jalpy esepte utylyp, Eýropa lıgasynan shyǵyp qalǵan bolatyn.
Premer-lıga komandalary arasyndaǵy fýtboldan Qazaqstan chempıonatynyń machynda «Maqtaaral» FK «Jetisýdy» qabyldap, sensasıalyq jeńiske jetti. Ońtústiktikter Asqat Baltabekovtyń avtogolyń arqasynda taldyqorǵandyq klýbty jeńdi. Nátıjesinde «Maqtaral» 15 upaı jınap, týrnır kestesinde 13-orynǵa kóterildi. «Jetisý» jeńilisten keıin 24 upaımen 9-shy orynda qaldy.