Bul músin Semeı qalasynda jasalypty.
Óskemende jazýshy Oralhan Bókeıdiń eskertikishi jańartyldy, dep habarlaıdy Almaty-akshamy.kz 24.kz-ke silteme jasap.
Óskemende belgili jazýshy, dramatýrg Oralhan Bókeıdiń eskertikishi jańartyldy. Qalamgerdiń osydan 8 jyl buryn ashylǵan músini sapasyz bolýyna baılanysty ádebıet janashyrlary ony qaıta jasaý týraly oı kóterip kelgen edi. Aqyry osy usynys eskerilip, Oralhan Bókeıdiń músini qoladan quıylyp, tuǵyryna qaıta qoıyldy. Jalpy bıiktigi 4,8 metr. Jeıdesin ıyǵyna ilip, búgingi urpaqqa mańǵazdana qarap turǵan zańǵar jazýshynyń bul músini Semeı qalasynda jasalypty. «Muztaý», «Qaıdasyń, qasqa qulynym», «Qamshyger» syndy talaı tanymal týyndyny ómirge ákelgen, dúldil tulǵanyń asqaq eskertkishi óskeleń urpaq úshin úlken tárbıe.
- Keýde músini buryn da bolǵan,sol kezdegi keýde músin jasaýshylardyń qateliginen deýge bolmsa,kemshiligi sol keýde músin óte sapasyz istelip edi,sony qaıta jańǵyrtyp jatyr. Ór Altaıdy, tór Altaıdy jyrlaǵan zańǵar jazýshy bolatyn, soǵan óz elinde, óz jerinde mynadaı asqaq keýde músini qoıylyp jatyr. Búgin búkil Shyǵys Qazaqstan úshin úlken mereke, - dedi jýrnalıs, aqyn Álibek Qańtarbaev.