Elimiz platformada oqytý belsendiligi boıynsha álemde 18-orynǵa ıe boldy.
Qazaqstan Coursera-da oqytý belsendiligi boıynsha álemniń top-20 qataryna kirdi, dep habarlaıdy Almaty-akshamy.kz Ǵylym jáne joǵary bilim mınıstrligine silteme jasap.
Qazaqstan jahandyq daǵdylar ındeksi boıynsha 109 el arasynda 32-shi orynǵa ıe boldy, bul elimizdegi kadrlardyń kásibı daǵdylaryn damytýdaǵy básekege qabilettiligin kórsetedi.
“Bul ındeksti Coursera platformadaǵy 109 eldiń bilim alýshylarynyń derekterin taldaý negizinde qalyptastyrady. Jahandyq daǵdylar reıtıńi Coursera-da daǵdylardy meńgerýdi baǵalaýǵa, eldiń jahandyq ınovasıalar ındeksindegi kórsetkishterine, jan basyna shaqqandaǵy JİÓ-ge, eńbekke qabiletti halyqtyń qatysý deńgeıine, adamı kapıtal ındeksine negizdelgen”, dep túsindirdi vedomstvonyń baspasóz qyzmeti.
Coursera sonymen qatar platformada belsendi jumys kúshiniń paıyzdyq úlesi boıynsha sıfrlyq chempıondardy – álemniń úzdik 20 elin atady. Qazaqstan platformada oqytý belsendiligi boıynsha álemde 18-orynǵa ıe boldy.
“Bul jetistik elimizdiń qoljetimdi, zamanaýı oqytýǵa ınvestısıa salý arqyly ekonomıkalyq ósý men básekege qabilettilikti yntalandyryp qana qoımaı, sonymen qatar azamattarǵa ózgerister jaǵdaıynda beıimdelýge jáne tabysqa jetýge múmkindik beredi”, delingen mınıstrlik taratqan aqparatta.