Olar 4,5 mln teńgege deıin syıaqy men otandyq JOO-da oqýǵa granttar alady
Eń bedeldi halyqaralyq pándik olımpıadalarda qazaqstandyq oqýshylar 3 altyn, 13 kúmis jáne 7 qola medal jeńip aldy. Iaǵnı aralyq qorytyndy boıynsha ulttyq qurama qorjynynda 6 pán boıynsha 23 medal bar. Bul týraly Almaty-akshamy.kz Oqý-aǵartý mınıstrligine silteme jasap habarlaıdy.
Matematıkadan halyqaralyq olımpıadada Qazaqstan quramasy 3 kúmis jáne 3 qola medal jeńip alǵan. Komand 174 upaı jınap, elimizdiń olımpıadaǵa qatysý tarıhyndaǵy jańa rekordyn ornatty. Bul sońǵy 12 jyldaǵy úzdik nátıje boldy.
Fızıkadan halyqaralyq olımpıadada oqýshylar 1 altyn, 4 kúmis medalǵa ıe boldy. Bul sońǵy 8 jyldaǵy eń jaqsy kórsetkish. Al geografıadan ótken halyqaralyq olımpıadada ekinshi jyl qatarynan altyn medal jeńip aldy. Bıyl da 1 qola medalǵa ıe boldy.
Bıologıadan halyqaralyq olımpıadaǵa qatysýshylar 3 kúmis jáne 1 qola jeńip alyp, byltyrǵy nátıjelerin jaqsartty.Zıatkerlik saıysqa qatysqan jas hımıkter 1 altyn jáne 3 kúmis jeńip aldy.
Sonymen qatar qazaqstandyq oqýshylar lıngvısıkadan halyqaralyq olımpıadada alǵash ret 2 qola medal jeńip aldy.
«Aldaǵy ýaqytta ınformatıkadan halyqaralyq olımpıada ótedi. Men oqýshylarymyzdyń halyqaralyq olımpıadada el namysyn abyroımen qorǵaıtynyna senimim mol. Olımpıadaǵa qatysýshylar men júldegerlerge qajyrly eńbekteri, kúsh-jigerleri men tabandylyqtary úshin alǵys aıtamyn. Kúndelikti jumysy jáne joǵary kásibıligi úshin áriptesterime de rahmet aıtqym keledi. Bıyl Prezıdenttiń qoldaýynyń arqasynda alǵash ret oqýshylarymyz 4,5 mln teńgege deıin aqshalaı syıaqyǵa jáne UBT-dan ótpeı-aq qazaqstandyq joǵary oqý oryndarynda oqý úshin grantqa ıe bolady. Altyn medal alǵan oqýshyǵa 1 500 AEK, kúmis medalǵa 1 000 AEK, qola medalǵa 500 AEK kóleminde aqshalaı syılyq beriledi. Oqýshylardy jarysqa daıyndaǵan ustazdar da birjolǵy syıaqy alady», - dedi Oqý-aǵartý mınıstri Asqat Aımaǵambetov.