Bul dodaǵa 26 eldiń 281 komandasy qatysty.
HİH halyqaralyq Jáýtikov olımpıadasynda qazaqstandyq oqýshylar 66 medal jeńip aldy, dep habarlaıdy Almaty-akshamy.kz Oqý-aǵartý mınıstrligi baspasóz qyzmetine silteme jasap.
Mınıstrliktiń málimetinshe, oqýshylar 6 altyn, 20 kúmis, 40 qola medalǵa ıe boldy. Jeńimpazdar elimizdiń jetekshi joǵary oqý oryndarynyń ataýly syılyqtary men bilim granttaryn ıelendi.
Vedomstvo ókilderiniń habarlaýynsha, 26 eldiń 281 komandasy 10 kún boıy matematıka, fızıka jáne ınformatıka páni boıynsha synǵa túsken. Qazaqstannan quramynda 250 oqýshysy bar 35 komanda baq synady. Dástúrli halyqaralyq Jáýtikov olımpıadasyna Qazaqstan, Ázirbaıjan, Ózbekstan, Reseı, Grýzıa, Rýmynıa, Serbıa, Ýkraına, Úndistan, Túrkıa, Ulybrıtanıa jáne basqa da elderdiń fızıka-matematıka baǵytyndaǵy mamandandyrylǵan mektepterinen jalpy 1200-den asa oqýshy qatysty.
«Halyqaralyq Jáýtikov olımpıadasy oqýshylar arasynda tanymal bola tústi. Olımpıada kezinde qatysýshylar kúrdeli matematıkalyq esepterdi sheshedi. Mundaı zıatkerlik konkýrstar olardyń bilimin tereńdetip qana qoımaı, balalardy komandada jumys isteýge, dostyq qarym-qatynas ornatýǵa úıretedi», – dep atap ótti RFMM basqarma tóraǵasy Rýslan Qalıev.
Halyqaralyq Jáýtikov olımpıadasy Oqý-aǵartý mınıstrliginiń qoldaýymen Respýblıkalyq fızıka-matematıka mektebiniń bazasynda ótti.