Oqý-aǵartý mınıstrliginiń balalardyń quqyqtaryn qorǵaý komıtetiniń málimetinshe, bul máselede zańnama sheńberinde júzege asyrylýy jáne olardyń densaýlyǵyna, oqýyna jáne damýyna zıan keltirmeýi tıis ekenin este saqtaý mańyzdy.
QR Eńbek kodeksiniń 69-babyna sáıkes:
14 pen 16 jas aralyǵyndaǵy jasóspirimder aptasyna 24 saǵattan artyq jumys istemeýi tıis;
16 men 18 jas aralyǵyndaǵy jasóspirimder úshin bul shekteý — aptasyna 36 saǵattan aspaýy qajet.
Kámeletke tolmaǵan jaspen eńbek sharty jasalǵanda ata-anasynyń nemese zańdy ókiliniń jazbasha kelisimi mindetti túrde qajet.
Zańnamaǵa sáıkes kámeletke tolmaǵandardy kelesideı jumystarǵa tartýǵa tyıym salynady:
túngi ýaqyttaǵy jumys (saǵat 22:00-den 06:00-ge deıin),
ústeme jumys,
vahtalyq ádispen jumys isteý,
qosa atqarylatyn jumys
jumys ýaqytynyń jıyntyq esebimen júrgiziletin eńbek.
- Árbir bala qanaýdan aýlaq bolý jáne densaýlyǵyn saqtaý úshin óz quqyqtaryn bilýi mańyzdy. Sondaı-aq, olardyń zańdy quqyqtarynyń saqtalýyn qamtamasyz etý — eresekterdiń mindeti. Balalar eńbegin zańsyz paıdalaný eleýli quqyq buzýshylyq bolyp tabylady. Al jumys berýshiler tipti ákimshilik jáne qylmystyq jaýapkershilikke tartylýy múmkin, - deıdi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.
Komıtet balalardy eńbek qyzmetiniń tyıym salynǵan túrlerine tartý faktileri anyqtalǵan jaǵdaıda bul týraly eńbek jónindegi memlekettik ınspektorǵa, QR Oqý-aǵartý mınıstrligi Balalardyń quqyqtaryn qorǵaý komıtetine nemese 111 biryńǵaı baılanys ortalyǵyna dereý habarlaý qajet.