Bul baǵytta birqatar sharýalar qolǵa alynǵan
QR Premer-Mınıstriniń orynbasary Eraly Toǵjanov mektep oqýshylary arasynda ótken dárigerlik tekserýlerdiń negizgi kórsetkishterin aıtty, dep habarlaıdy Almaty-akshamy.kz
«2021 jyly tereńdetilgen túrde dárigerlik tekserýmen mektepterdegi 2 911 777 bala qamtylýy tıis edi. Onyń ishinde 2 480 540-y tekserýden ótti. Byltyr Aqmola jáne Mańǵystaý oblystarynda oqýshylardy medısınalyq tekserý úlesi tómen deńgeıde boldy», - dep jazdy E. Toǵjanov depýtattyq saýalǵa jaýap bere otyryp.
Bul tekserýlerge jasalǵan taldaýǵa qaraǵanda, birinshi orynda kórý organdarynyń patologıasy tur. Bul turǵy 2021 jyly 60 490 oqýshy, al 2020 jyly 22 795 bala tirkeldi. Onyń sózine qaraǵanda, oqýshylardyń kóz kórýiniń nasharlaýynyń negizgi sebepteri retinde olardy aqparattyq tehnologıalarǵa, bilim berýdi kompúterlendirý úrdisine qatystyrý bolyp tur. Iaǵnı gadjetter men uıaly telefondardy paıdalaný belsendiginiń artýy, áleýmettik jeliler arqyly aqparattyq júktemeniń shekten tys bolýy, kórý qabiletin saqtaý rejımin elemeý sıaqty máseleler bar.
Ekinshi orynda júıke-psıhıkalyq aýrýy tur. Bul aýrý túri 2020 jylmen salystyrǵanda 2,7 esege artqan (2021 jyly – 15 946, 2020 jyly – 5 872). Buǵan psıhoemosıonaldy jaǵdaıdyń kóterýli, áleýmettik jeli arqyly aqparattyq júktemeniń artýy, gadjetterge psıhologıalyq táýeldilik, táýlik ishinde durys rejımdi saqtamaý sebep bolyp otyr.
Úshinshi orynda oqýshylardyń arqa omyrtqasynyń qısaıýy máselesi bar. 2021 jyly 6 112 balada skolıoz anyqtaldy (2020 jyly - 2517). Osy oraıda oqýshylardyń az qozǵalýy, mektep jıhazynyń balalardyń jas erekshelikterine qaraı sáıkes kelmeýi, oryndyqqa otyrý kezinde talap etiletin tıisti erejelerdi elemeý jáne basqa da kemshilikter áser etip otyr.