Arnaıy jumys toby quryldy.
DSM mektepte tamaqtanýdyń jańa standarttaryn usyndy, dep habarlaıdy aqshamnews.kz
Bul týraly Densaýlyq saqtaý mınıstrligi men Oqý-aǵartý mınıstrliginiń birlese otyryp ótkizgen dóńgelek ústel barysynda aıtyldy.
Jańa standart azyq-túlik satyp alýdan bastap, tamaq daıyndaýǵa jáne osy salada jumys isteıtin qyzmetkerlerdi oqytýǵa deıingi barlyq kezeńderdi qamtıdy.
«Oqýshylardyń dıetasyn energıa men qorektik zattardy, sondaı-aq tuzdy, qantty jáne qanyqqan maılardy tutyný normalaryna súıene otyryp, taǵamdardyń paıdalylyǵy men taǵamdyq qundylyǵyn eskere otyryp qaıta qaraý josparlanyp otyr», – delingen mınıstrlik habarlamasynda.
DSM Qazaq taǵamtaný akademıasymen birlesip, erekshe dıetalyq qajettilikterdi qosa alǵanda, oqýshylardyń tamaqtanýyn jaqsartý boıynsha birqatar usynys ázirledi. Bul qant dıabeti, taǵamdyq alergıa, laktozaǵa tózbeýshilik jáne basqa da erekshelikteri bar balalarǵa qatysty.
Aıta ketsek, qazir Qazaqstanda tegin mektep tamaǵymen 1,7 mln oqýshy qamtylǵan.
Tamaqtaný standartynyń jobasyn talqylaý úshin Oqý-aǵartý mınıstrliginiń bazasynda beıindi tamaqtaný mamandary men múddeli memlekettik organdardyń ókilderinen turatyn jumys toby quryldy.