Shymkentte alǵashqy áskerı daıyndyq pániniń muǵalimi oqýshylardy sabaqqa arnaıy kıim alyp kelmegeni úshin urǵan.
Muny ustazynan birneshe ret taıaq jegen shákirtterdiń biri telefonǵa túsirip alǵan, dep habarlaıdy almaty-akshamy.kz qazaqstan.tv-ge silteme jasap.
Ata-analardyń aıtýynsha, muǵalim buǵan deıin de, ul balalardy birneshe ret ońashada urǵan kórinedi.
Dırektorǵa aıtqan bolatynmyn osyndaı jaǵdaı qaıtalanyp jatyr. Qalaı habaryńyz joq dep. Sol kezde eskertý beremin, qaıtalanbaıdy degen bolatyn. Mine eskertýdiń nátıjesi osyndaı bolyp tur, deıdi ata-ana Rıta Aralbaıqyzy.
Pán muǵaliminiń buǵan deıin de, eńbek zańdylyǵyna baılanysty sógis alǵany belgili boldy. Osy oqıǵaǵa baılanysty mektep dırektoryna sógis jarıalandy. Al muǵalimdi bunan da qatal jaza kútip tur.
"Oqýshylardyń barlyǵy osynda jınalyp otyr. Ata-analar keledi. Bárin jınaqtap, qujattandyryp, qolymyzda fakt bári bar. Ata-analardyń aryzy boıynsha jumystan shyǵarýǵa áreket jasaımyz", - deıdi mektep dırektory Erbol Joltaev.