Avtobýs barlyq zamanaýı talaptarǵa jaýap beredi
Prezıdent Qasym-Jomart Toqaevtyń tapsyrmasy boıynsha Almatydaǵy Oqýshylar saraıyna syılyq retinde jańa mektep avtobýsy berildi. Onymen balalardy túrli konkýrstarǵa, jarystar men festıváldarǵa aparý josparlanýda, dep habarlaıdy Almaty-akshamy.kz.
Avtobýs barlyq zamanaýı talaptarǵa jaýap beredi jáne júrý úshin yńǵaıly, sonyń ishinde ártúrli aýa-raıy jaǵdaıynda alys qashyqtyqqa sapar shegýge arnalǵan. Aýany retteý jáne jylytý júıelerinen basqa, avtokólik 4 beınebaqylaý kamerasymen, aıaldama týraly júrgizýshini habardar etý batyrmasymen, erekshe qajettilikteri bar adamdarǵa arnalǵan pandýspen jáne t. b. jabdyqtalǵan.
Sondaı-aq, Oqýshylar saraıyna sapary barysynda Prezıdent Almaty ákimdigine 2023 jyldyń 15 jeltoqsanyna deıin Oqýshylar saraıynyń observatorıasyn jańǵyrtý aıasynda zamanaýı kásibı teleskop ornatýdy tapsyrdy.