Jastardyń júrgizgen saýalnamasy boıynsha kóptegen balalar Lego konstrýktorymen oınaǵandy unatady
Túrkistan oblysy, Keles aýdanyndaǵy №2 Ó.Jánibekov atyndaǵy mektep gımnazıanyń 9-synyp oqýshylary Shaldybaeva Ulmeken men Amanbaı Nursıla qoqys jınaıtyn robot qurastyrdy, dep habarlaıdy Almaty-akshamy.kz.
Jas zertteýshilerdiń «Qoqys jınaıtyn robot» taqyrybyndaǵy zertteý jumysyn jazý barysynda oqýshylar bul salanyń ózekti máselelerin tereń zerttegen.
Olardyń osy taqyryptaǵy ǵylymı izdenisi «Oqýshylardyń aýdandyq jalpy bilim beretin pánder boıynsha ǵylymı jobalar» konkýrsynda joǵary baǵalandy. Qyzdardyń ǵylymı jetekshisi Aıagóz Joraevnanyń aıtýy boıynsha, ǵylymı jobanyń maqsaty - robot tehnıkasynyń negizderin, qoldaný salalaryn, olardyń túrlerin, múmkindikterin zertteý.
«Búginde robottar - qarqyndy damyp kele jatqan bolashaqtyń joǵarǵy tehnologıalarynyń biri. Olar ómirimizdiń kóptegen salasyna, atap aıtqanda, ǵaryshty ıgerý, densaýlyq saqtaý, qoǵamdyq qaýipsizdikti qamtamasyz etý jáne basqa da salalarǵa enip úlgerdi, ásirese óndiris oryndarynda kóbirek paıdalanylady. Oqýshylar jeke tájirıbe arqyly robottyń jumys jasaý prınsıpterin baqylady. Jas zertteýshiler bul jobamen birneshe jyldan beri aınalysyp keledi»,- deıdi ınformatıka pániniń muǵalimi.
Jastardyń júrgizgen saýalnamasy boıynsha kóptegen balalar Lego konstrýktorymen oınaǵandy unatady. Jas zertteýshiler bolashaqta kompúterlik IT tehnologıalardy meńgerý, programmıst mamandyǵyn meńgergisi keledi.