QR Oqý-aǵartý mınıstrliginiń «Órken» Balalardyń ál-aýqaty ulttyq ǵylymı-praktıkalyq ınstıtýty «DosbolLIKE» antıbýllıngtik baǵdarlamasynyń júzege asyrylý barysy boıynsha aralyq qorytyndylaryn usyndy.
Dıagnostıkalyq saýalnamaǵa baǵdarlamaǵa qatysýshy pılottyq mektepterden 20 myńnan astam oqýshy, ata-analar men pedagogter qatysty, dep habarlaıdy aqshamnews.kz.
Respondentterdiń aıtýynsha, olardyń psıhologıalyq qaýipsizdikti qamtamasyz etýge baǵyttalǵan is-sharalarǵa qatysý belsendiligi baǵdarlama bastalǵan ýaqytpen salystyrǵanda bes esege artqan.
Nátıjeler kórsetkendeı, pılottyq mektepterde oń ózgeristerdiń turaqty dınamıkasy baıqalady: • muǵalimder men oqýshylar arasyndaǵy qarym-qatynas jaqsarǵan; • mektepte kómektesýge daıyn eresekter bar ekenin sezinetin balalar sany úsh ese ósken; • oqýshylar arasyndaǵy qarym-qatynas meıirimdilik pen dostyqqa qurylýda; • balalar arasynda mazaqtaý úshin laqap esimdermen ataý jaǵdaılary azaıǵan; • pedagogter ákimshilik pen áriptester tarapynan qysymǵa sırek ushyraıtyn bolǵan.
Aıta keteıik, otandyq «DosbolLIKE» antıbýllıng baǵdarlamasy bıyl 1 qyrkúıekten bastap barlyq mektepter men kolejderge engiziledi. Qazirgi tańda baǵdarlama elimizdiń toǵyz óńirinde 50 mektepte aprobasıadan ótýde.