Qondyrǵy tolyqtaı avtomattandyrylǵan.
Aqtóbelik oqýshy ınkýbator qurastyryp shyqty, dep habarlaıdy Almaty-akshamy.kz
Dinmuhamed Jetkergenniń ınovasıalyq ıdeıasy aýyl sharýashylyǵy salasyna, sonyń ishinde qus ósiretinder úshin taptyrmas olja bolmaq.
Óıtkeni, oqýshy oıynan qurastyrylǵan ınkýbatorda bir mezette jumyrtqadan 200 balapandy bastyryp shyǵarýǵa bolady. 11-synyp oqýshy Dinmuhamed Jetkergen bala kezinen robototehnıkaǵa áýes. Úıirmege baryp júrip sandyq tehnologıa, fızıkaǵa den qoıa bastaǵan. Armany aýyl sharýashylyǵyna paıda ákeletin zamanaýı qondyrǵy qurastyrý bolypty.
"Aýyl sharýashylyǵyn damytýǵa úles qosyp, bir jańalyq jasaǵym keldi. Úsh jyl qatarynan balapandy tez ósirip shyǵaratyn ınkýbatordy qurastyryp júrdim. Ár nusqasyn jetildirgen saıyn, qatelikterimdi jóndeýge tyrystym. Janargúl Erkebaeva degen ustazym maǵan kóp kómektesti. Inkýbatordyń jumysyna kelsek, tabıǵı analyqtyń qasynda, mysaly taýyqtyń qasynda balapany 5 ese shyǵaryp bere alady. 200 bódene jumyrtqasyn, 85 taýyq jumyrtqasyn, 60 úırek, qazdyń 45 jumyrtqasyn basyp shyǵarýǵa bolady", - deıdi Dinmuhamed Jetkergen.
Qondyrǵy tolyqtaı avtomattandyrylǵan. Jylytý júıesi ózdiginen aınalyp turady. Inkýbator ázirge test rejımde turǵanymen, jumysy nátıjesin bergen. Qazirdiń ózinde ınkýbatordyń kómegimen shyqqan balapandardy Dımashtyń ózi ósirip, jumyrtqasyn ınkýbatorǵa salyp kóbeıtip jatyr.
Ónertapqysh oqýshynyń bastamasyn Aqtóbedegi №18 mekteptiń basshylyǵy da qoldaıdy.
"Biz oqýshymyzdyń ıdeıasyn júzege asyrýyna barynsha jaǵdaı jasaımyz. Qazir ǵylymı jetekshisi ekeýi aldaǵy ýaqytta jas bıznesmender baıqaýlaryna qatyspaqshy. Ári jobalaryna avtorlyq quqyq kýáligin alýǵa qujattaryn ázirlep jatyr", - dedi mektep dırektorynyń orynbasary Mádına Abylshıeva.