Sol úshin elektrondy platforma ázirlendi.
Elektrondy platformaǵa sarapshylar men baspa ókilderi ǵana kire alady, dep habarlaıdy Almaty-akshamy.kz
2024 jyly oqýlyqtardy, oqý-ádistemelik keshender men oqý-ádistemelik quraldardy saraptaý jumystaryn arnaıy elektrondy platformada júrgizýge kóshirý josparlanyp otyr, dep habarlaıdy oqý-aǵartý mınıstrligi respýblıkalyq ǵylymı-praktıkalyq bilim mazmunyn saraptaý ortalyǵy.
"Mınıstrliktiń qoldaýymen ǵylymı, ǵylymı-tehnıkalyq jobalardy baǵdarlamalyq-nysanaly qarjylandyrý aıasynda "Bilim berý men ǵylymdy modernızasıalaýdyń ǵylymı negizderi" atty iri baǵdarlama qolǵa alyndy. Ol arqyly bilim berý mazmunyn saraptaýdyń elektrondy platformasy ázirlendi. Bul saraptama júrgizý kezinde oqý ádebıetterine sapaly tańdaý jasaýǵa yqpal etedi. Sondaı-aq oqýlyqtar men OÁK sarapshylarynyń múmkindikterin keńeıtedi", - dedi ortalyq dırektory Názıra Ábdirahmanova.
Platforma saraptama júrgizý kezinde obektıvti sheshimder qabyldaýǵa, saraptama prosesin monıtorıńileýdi sıfrlyq servıste júzege asyrýǵa kómektesedi.
Qazirgi tańda elektrondy platformanyń testik nusqasy Almaty men Astana qalalarynda tanystyryldy.
Aıta keteri, elektrondy platforma jabyq. Oǵan tek sarapshylar, baspa ókilderi men ortalyqtyń syrtqy sarapshylary kire alady.
Elektrondy platforma qoldanysqa berilgennen keıin saraptama prosesi tolyq avtomattandyrylady. Bul saraptama prosesin jeńildetip, sarapshy nazarynyń tek oqýlyq mazmunynda bolýyna múmkindik beredi, dep atap ótti mınıstrliktegiler.