Qazirgi ýaqytta bul platforma synaqtan ótýde.
QR Oqý-aǵartý mınıstrliginiń Respýblıkalyq ǵylymı-praktıkalyq bilim mazmunyn saraptaý ortalyǵy oqýlyqtardy tańdaý boıynsha arnaıy platforma ázirledi, dep habarlaıdy Almaty-akshamy.kz.
Atalmysh platforma pedagogterge pándik oqýlyqtardy tańdaýǵa múmkindik beredi.
ETANDAU.GOV.KZ platformasy jabyq júıede qurylǵan, ol tek pedagogter, mektep dırektorlary, ádistemelik birlestikter men bilim basqarmalarynyń basshylary úshin ǵana qoljetimdi. Júıe oqýlyqty tańdaý úrdisin avtomattandyra otyryp, qabyldanǵan sheshimderdiń obektıvtiligi men ashyqtyǵyn arttyrýǵa yqpal etedi.
«Elektrondyq platforma pedagogterge «óz» oqýlyqtaryn tańdap alýǵa múmkindik beredi. Sabaq berýdi sapaly uıymdastyrýda oqýlyqty durys tańdaý asa mańyzdy», - deıdi ortalyq dırektory Názıra Abdrahmanova.
Pılottyq jobaǵa Astana qalasynyń jáne Qostanaı oblysynyń 20 mektebi qatysýda.