Elordada NIS pedagogıkalyq sheberlik ortalyǵynyń uıymdastyrýymen «Jas ustaz: Tabysqa aparar jol» respýblıkalyq forýmy ótti.
Kezdesýde elimizdiń shalǵaı eldi mekenderinen kelgen 300-den astam jas pedagog bas qosty, dep habarlaıdy aqshamnews.kz Oqý-aǵartý mınıstrligine silteme jasap.
Beıresmı formatta ótken jıynda pedagogter mınıstrge ózderiniń suraqtaryn qoıyp, bilim salasyndaǵy mańyzdy máseleler boıynsha pikir almasty. Ǵanı Beısembaev óskeleń urpaqtyń bolashaǵyn qalaýǵa úles qosatyn pedagog mamandyǵynyń mańyzdylyǵyn atap ótti.
«Pedagog mamandyǵy – bul qyzmet qana emes, elimizdiń bolashaǵyn qalyptastyrý jolyndaǵy abyroıly mindet. Biz balalarymyzdyń oqýy men damýy úshin eń jaqsy jaǵdaıdy qamtamasyz etýimiz kerek», – dedi mınıstr.
Sondaı-aq mınıstr ustazdyq etýdiń mańyzdy basymdyqtaryn, onyń ishinde balalarmen jumys jasaý, psıhologıalyq erekshelikterdi taný, bilim berý prosesinde jasandy ıntellektti qoldaný, fýnksıonaldyq saýattylyqty qalyptastyrý jáne emosıonaldyq ıntellektti damytý týraly máselelerge toqtaldy. Mektep qabyrǵasynda dostyq orta qalyptastyrý men pedagogıkalyq qyzmette jańa zertteýler jasaýdyń jaı-kúıine asa nazar aýdaryldy.
Forým jas mamandardyń ynta-jigerin arttyrý jáne óz tabys tarıhymen bólisken bilim berý salasyndaǵy jetekshi mamandarmen tájirıbe almasý úshin úlken múmkindik alańyna aınaldy.