Qazir ol jaqta 7-8 myńǵa jýyq azamattarymyz júr
QR Syrtqy ister mınıstrliginde ótken brıfıńte quzyrly vedomstvonyń resmı ókili Aıbek Smadıarov Ońtústik Koreıada Qazaqstannan zańsyz barýshy mıgranttar sany kúrt kemigenin atap ótti, dep habarlaıdy Almaty-akshamy.kz.
QR SİM resmı ókiliniń aıtýynsha, túzilgen "jasyl dálizdiń" arqasynda onda zańsyz júrgen kóp qazaqstandyqtar úılerine oralýǵa múmkindik aldy.
"Sońǵy kelip túsken málimetter boıynsha, bir aı buryn Ońtústik Koreıada bizdiń zańsyz mıgranttar sany azaıǵan. Qazir ol jaqta 7-8 myńǵa jýyq azamattarymyz júr. Al aldynda bul sıfr shamamen 11-12 myń bolǵan",-dedi Aıbek Smadıarov.
Ol kóptegen adam osy "jasyl dálizdi" paıdalanǵanyn, biraq adamdar onsyz da elge esh kedergisiz orala alatynyn aıtty.
"Onsyz da olar qaıtamyn dese, elge orala alady. Koreıa elshiligi qazir jańa tájirıbe engizdi. Oǵan sáıkes, endi sol jaqqa jetip alyp, azamattarymyz burynǵydaı qalyp qoıa almaıdy. Koreıaǵa vızasyz rejım boıynsha kelmesten buryn endi arnaıy ruqsat alý qajet. Ol úshin barlyq qajetti qujattardy - avıabıletti, keri qaıtatyn avıabıletti jáne saqtandyrý qaǵazyn tapsyrý qajet", - dedi Aıbek Smadıarov.
2022 jyly Ońtústik Koreıada qazannyń 29-nan 30-yna qaraǵan túni Seýldegi ataqty Ithevon aýdanynda eń iri qaıǵyly oqıǵa oryn aldy. Meıramdy toılatqan yǵy-jyǵy adamdar tar kóshede bir-birin qysyp, taptap ketken.
Qaza tapqandar arasynda, ókinishke qaraı, bir Qazaqstan stýdenti de bar bolyp shyqty.