Negizi, qyzmettiń bul túri byltyrdan bar.
Endi ýaqyt qurtyp notarıýs izdep barmaı, kezek kútpeı ony turǵan jerińizde onlaın rásimdeı alasyz, dep habarlaıdy aqshamnews.kz qarzhylyq_sauat telegram kanalyna silteme jasap.
Sonymen, onlaın-notarıýs qalaı jumys isteıdi?
Jalpy, smartfon ustaıtyn kez kelgen adam telefonyna eGovMobile qosymshasyn júktep, tirkelip qoıǵany jón. Oılamaǵan jerden paıdasyn kórip qalýyń ǵajap emes.
Ádette, jurt notarıýsqa senimhat rásimdeý úshin júginedi. Endi ýaqyt qurtyp notarıýs izdep barmaı, kezek kútpeı ony turǵan jerińizde onlaın rásimdeı alasyz. Telefondaǵy kelesi qadamyńyz bylaı:
🔹 eGovMobile qosymshasyn ashasyz;
🔹 «Servıster» qyzmetinen «Enotary» servısin tańdaısyz;
🔹 derekterdi toltyrasyz;
🔹 «Qyzmetke onlaın tapsyrys berý» qajet;
🔹 bıometrıa boıynsha qyzmetke qol qoıasyz;
🔹 notarıýspen beıne-baılanysqa shyǵý úshin (kameraǵa) ruqsat beresiz;
🔹 «Beıne qońyraýǵa ótý» túımesin basyp, notarıýstan jaýap kútesiz.
Iaǵnı, sol mezette bos otyrǵan notarıýstyń biri Sizben vıdeo arqyly onlaın-baılanysqa shyǵady. Siz notarıýstan qandaı qujat kerek ekenin aıtasyz, qyzmet kórsetýshi tarap Kaspi qosymshasy arqyly tólem shotyn usynady.
Aqysy tólengen soń sanaýly mınýttardan keıin ózińizge kerek anyqtama egov-taǵy jeke kabınetińizde júktep alý úshin PDF-formatta daıyn turady nemese jańa senimhatty eGovMobile qosymshasynda «Sıfrlyq qujattar» servısinen kóre alasyz.