Jańa mamandyqtar qalaı damýda?
Aınelá taǵy bir kúnin qarsy aldy. Ádetinshe, asyqpaı tańǵy asyn iship, terezesinen qarbalas qalaǵa qarap áz-kem ýaqyt ótkizdi. Endi mine, súıikti kofesin iship alyp, jumysyna kirispek. Bul onyń jumys kúni bolatyn.
Osy kezde ózimen qarama-qarsy esikte turatyn kórshi táte qoǵamdyq kólikte ketip bara jatqan. Onyń oıynda «Búgin taǵy jumystan keshiktim, sógis estımin-aý» degen ýaıym ǵana bar.
Eki kórshiniń tańǵy ómirindegi mundaı aıyrmashylyqtyń paıda bolǵanyna birneshe jyl ǵana boldy. Aınelá sońǵy jyldary qarqyndy damyǵan jańa mamandyqty ıgerip, onlaın jumys istep júrgen jas maman. Óz úıinde, qoǵamdyq kólikte, álde kofehanada, keıde saıabaqta otyryp 2-3 saǵat sapaly jumys isteý ol úshin tolyq jumys kúniniń aıaqtalǵanyn bildiredi.
Aınelá – biz suhbattasqan keıipkerimizdiń biri, kopıraıter mamany. Ol da buryn birneshe túrli jumys oryndarynda istegen, tańnan keshke deıin dástúrli jumys tártibinde júrip-turǵan. Biraq jańa tendensıaǵa ilesip onlaın jumys istegennen keıin ómiri múlde basqa baǵytqa ózgerdi.
«Bir artyqshylyǵy – bir ǵana salada jumys atqarmaı, birneshe kompanıalarmen, túrli sarapshylarmen bir ýaqytta jumys isteı otyryp mol tabys taba alamyn», – deıdi Aınelá Janbotyrova qazirgi jumysynyń artyqshylyǵyn suraǵanymyzda. Onyń oıynsha dástúrli jumys stıli ómirge úlken shekteýler paıda qylyp, ózine ýaqyt bólýge mursha bermeıdi. Qazirgi ómiri bizdiń keıipkerimizge unaıdy, sebebi ol tabys taba otyryp, óziniń shyǵarmashylyǵyna, jeke ómirine ýaqyt bóle alady.
Zaman men ǵalamnyń ózgerýimen mamandyqtar da qarqyndy túrde damyp, jańarýyn baıqap otyrmyz. Ár dáýirdiń talaptaryna saı jańa kásibı baǵyttar paıda bolyp, tanymal mamandyqtar jańa turpatta jańǵyrýda. Qazirgi zamanda tehnologıanyń jyldam damýy men qashyqtan jumys isteý múmkindikteriniń keńeıýi onlaın mamandyqtardy úlken suranysqa ıe etti. Áleýmettik medıanyń, sıfrlyq marketıńtiń, baǵdarlamalaýdyń jáne basqa da sandyq qyzmetterdiń mańyzy artqan saıyn, onlaın jumys isteıtin mamandarǵa degen suranys kúnnen-kúnge ósýde. Jańa mamandyqtardaǵy tabys múmkindikteri de san túrli. Tehnologıalyq jetistikter men ǵalamtordyń órkendeýi bizge jańa eńbek naryǵyn usynýda. Bundaı jumys salalary qoǵamymyzda áli tolyq qalyptasyp, damyp úlgere qoımady. Soǵan qaramastan olarǵa degen suranys kúnnen-kúnge artyp keledi.
Qazir Almatyda zaman talabyna saı jańa mamandyqtardy ıgerip onlaın jumys isteıtin jastar óte kóp. Sonyń biri Anel ORYNBAI, SMM mamany. Aneldiń ómiri birqalypty, biraq óte jaıly. Onlaın jumys isteý onyń ómir daǵdysyna saı keledi. Sebebi, Anel ýaqytyn tıimdi paıdalanýǵa tyrysatyn adym, jeke ómirine, densaýlyǵyna kóp kóńil bólegendi qalaıtyn adam. Ómirdiń ár sátin tolyqqandy sezinip, lázzat alǵysy keledi. Qazir jumysy mine osy ómir saltyna úılesip-aq tur.
Oǵan mundaı salaǵa qalaı kelgenin surap kórdik:
– «Shynyn aıtsam, maǵan dástúrli jumys tártibi unaıdy. Únemi basshymen baılanys ortanyp, esep berip, belgili bir ýaqyt aralyǵynda bir orynda tapjylmaı jumys isteý, taǵysyn taǵylar... Mine, bular maǵan múlde yńǵaısyzdyq týdyrady. Kerisinshe, zamanǵa saı óz-ózime basshy bolyp, onlaın jumys isteý tıimdi ári yńǵaıly», – deıdi Anel.
Onlaın jumys oǵan barlyq ýaqytta óz josparyn quryp, ýaqytyńdy qalaı ótkizý kerektigin óziń sheshýge múmkindik beredi. Osylaısha Anel óz jumysynda tolyq erkindikke ıe bolǵan almatylyq jastardyń biri. Jeke ómirine ýaqyt qaldyrýdy, árdaıym ózine úńilip, jańa ıdeıalarmen jumys isteý – búgingi jas býynnyń qalaýy.
Biz suhbattasqan osy keıipkerlerimiz onlaın jumystyń múmkindikterin kóbirek paıdalanýǵa keńes beredi. Olar úshin onlaın jumys – tek tabys tabý ǵana emes, ómir sapasyn arttyrýdyń mańyzdy joly. Biraq dástúrli jumys stılimen úılesim tabýdyń da mańyzdy ekenin moıyndaıdy.
Olar – jańa mamandyq ıesi, bizdiń zamandastarymyz, aınalamyzdaǵy adamdar, almatylyqtar. Ómir súrý men jumys isteý arasyndaǵy teńgerimdi durys tapqan jańa býyn ókilderi desek te bolady. Osyǵan qarap onlaın dáýir esip qaǵyp turǵanyn kórsek bolady.