Memleketter basshylary sauda-ekonomıka, ınvestıtsıya, auyl sharuashylyǵy jáne kólík-tranzıt salalaryndaǵy yntymaqtastyqty nyǵaıtu máselesín jan-jaqty talqylady. Sondaı-aq mádenı-gumanıtarlyq yqpaldastyqqa nazar audardy. Taraptar aımaqtyq jáne halyqaralyq kún tártíbíndegí ózektí máseleler jónínde píkír almasty.
Qasym-Jomart Toqaev:
– Sízdí memlekettík saparyńyz ayasynda Qazaqstanda qarsy alu – men úshín úlken mártebe. Būl – elderímízdíń arasyndaǵy strategıyalyq seríktestík pen odaqtastyq qatynastardy odan árí damytu tūrǵysynan óte mańyzdy oqıǵa. Qazaqstan men Ázírbaıjan tek dostas elder emes, sondaı-aq bauyrlas halyqtar. Sondyqtan Sízdíń elíńízben san qyrly yntymaqtastyqty órkendetuge basa mán beremíz. Qazírgí kezde Ázírbaıjan Sízdíń quatty kóshbasshylyǵyńyzben halyqaralyq arenadaǵy abyroı-bedelín eleulí túrde arttyrdy, óz óńírínde yqpaldy memleket retínde óte mańyzdy ról atqarady. Bíz úshín Ázírbaıjanmen sauda-ekonomıkalyq yntymaqtastyqty jáne sayası seríktestíktí nyǵaıtu – asa ózektí míndet, – dedí Memleket basshysy.
Ilham Álıev:
– Búgínde Qazaqstan damudyń joǵary deńgeıín kórsetíp otyr. Elíńízdegí qoǵamdyq-sayası jaǵdaı tūraqty, ekonomıkalyq damu qalypty. Síz júrgízíp jatqan reformalardy zor qyzyǵushylyqpen baqylap otyrmyz. Elíńízdí jańǵyrtu men áleuetín arttyru jolyndaǵy baǵdaryńyzdy tolyq qoldaımyz. Ekíjaqty qarym-qatynastyń strategıyalyq, odaqtastyq sıpat alǵanyn atap óttíńíz. Bíz barlyq baǵyttaǵy yqpaldastyqty nyǵaıtuǵa nıettímíz. Búgíngí kelíssóz, sondaı-aq Joǵary memleketaralyq keńes otyrysy barysynda auqymdy kún tártíbín taǵy da pysyqtap, ózara seríktestíktíń aldaǵy qadamdaryn aıqyndaımyz, – dedí Ázerbaıjan Prezıdentí.
