Bul týraly Májilis depýtaty Asqat Aımaǵambetov «Onkologıa qyzmetiniń problemalary men damý perspektıvalary» taqyrybyndaǵy otyrysta aıtty, dep habarlaıdy almaty-akshamy.kz.
Bizde jaman aýrýdan jyl saıyn 13 myń qazaqstandyq qaıtys bolady. Asqynǵan úshinshi, tórtinshi stadıada anyqtalatyn naýqastar sany óte kóp. Ókinishke qaraı, aýrýdy erte anyqtaý deńgeıi óte tómen bolyp tur. Onkologıamen aýyratyndardyń qatary jasarýda. Qazir negizi basym kópshiligi jastar dep aıtýǵa bolady. Óte jas balalar, jas azamattar aýyryp, olardyń sany kúnnen-kúnge ósip jatyr. 2023 jyly onkologıamen aýrý kórsetkishi ósti, - dedi májilismen.
Asqat Aımaǵambetov naýqastardy emdeý qurylǵylary birshama eskirgenin atap ótti.
Sáýlemen emdeý qurylǵylary eskirgen. Mammograftar, sıfrly tıisti basqa da qurylǵylardyń barlyǵy da eskirgen. Mysaly, PET, KT-lar boıynsha jetkiliksiz. Endoskoptardyń 48 paıyzy, mammograftardyń 40 paıyzy eskirgen. Osydan keıin aýrýdy erte anyqtaý týraly qandaı sóz qozǵaýǵa bolady? - dedi Aımaǵambetov.